Donald Trump-a rally-ah buaina chhuak
Trump duhlotute hian "Liberation Not Deportation" tih te leh "Trump is Racist" etc. banner/ placard te an keng a, Mihangho an pawrin han inhnek deuh chawrh2 te pawh hmuh tur an awm. Hetianga mipui pungkhawm zinga buai chiaina (chaos) awm vangin TRUMP RALLY hi tiamchin awm lova sawn hlat (postponed) a ni ta a ni.
Aurinna hmangin "Donald Trump a lo thleng chiah a, mahse, mipuite chu thlamuang takin kal darh tura ngen in ni..." tiin an rawn puang ta. A hnuah Donald Trump chuan, " Thusawi ngaithla (audience) hoten buaina siamtu (protesters) ho beih let ( Hit Back) chu an dikna chanvo a ni" ati hmiah mai. Hman deuh khan a campaign laiin tuten emaw Artui leh Tomato hmanga vawm an tum pawh, bei let turin a campaigners ho a fuih a; hliam tuar an awm leh a sen so a tum tur thu alo sawi tawh a ni. Trump Rally ah hian mipui sing dawn an pungkhawm niin, CNN chuan a puang.
Donald Trump chuan khawvel a chawh buai hat hma in, ama ram mipuite a chawk buai hat tan a ni ber. Thenkhatin 1930's chhova Nazi hotupa Adolf Hitler an lo tehkhin thul ! Trump chuan "Muslim hoten min hua" (Muslim hates Us" a tih chuan boruak a siamin, a thusawi dikzia pawh a tang na hle.
Hetih lai hian 2016 US Presidential candidate chawlhsan ta Dr. Ben Carson chuan Donald Trump hi a thlawp thu a puang chhuak a, "Ka ngaihtuah ai daihin, kan thil tum thuhmun (common ground) a lo tam a lawm le" a ti. US President nih tum tho, chawlhsan ta Governor Chris Christie pawhin Donald Trump a thlawp thu a lo puang tawh bawk.
Conservative Republican zingah Donald Trump chu "Vangvat kai lo" leh "Republican a ni lo" tia pawm theilo an awm laiin, Republican zinga moderate leh conservative ho thlawp a hlawh hle lawi si a ni.
Chigaco khawpui kawtthlerah chuan Anti-Trump Protesters an tleh dul dul mai ! Trump hian US a Dan lova lut te an rama thawn kir vek te, Muslim ho US a kal tum dan vek te leh China rama US company leh industries thenkhat lakkir te a sawimawi hle a; ram dang pawhin Real Estate billionaire Donald Trump che vel chu an ngaihven hle a ni. US President Barack Obama chuan, "President a tlin ka ring lo ve" tiin a lo sawi tawh bawk.
Donald Trump boruak chuan a tha leh chhe zawngin America ram a tuam vel mek a ni ber.
Hetiang taka Donald Trump boruak lian chho hi America dinhmun-economic a tha em em thin leh global cop an nih thin tlakhniam tak em vang a ni ber. Trump chuan, "America kan din tharin, kan siam ROPUI leh ang" tiin campaign au hla a neih vang a ni.
