Syria tualchhung indona tihtawp nan inbiakna neih mek a ni
March 14 : (CT Lalrinawma): Vawiinah kum 5 zet Syria tualchhung indona-civil war tihtawpna tura inbiakna chu UN Special Envoy to Syria Steffan de Mistura hovin Geneva khawpuiah neih a ni a, March 27 khian chhun zawm leh a ni ang.
Syria tualchhung indona vangin mi 500,000 in nunna an chan tawh a, raltlan-refugees 3 million chuang awm tawhin, tuartu thi zingah civillian pawh an tam tawh hle a. Kum 2015 October thla khan Civilian 1,216 thi awmin Civil mi nilo mi 555 an thi bawk. Heng civilian thite hi Syria President Bashar al Assad a tanpuitu Russia fighters bomb thlak vang niin an puh a, thenkhatin ISIS hoten bomb leh missile a an kah vangah an puh bawk.
Syria ramah hian Russia leh Iran chuan rorelna an chelh a ni ber tawh a; anni ram pahnih hian President Bashar al-Assad hi ralthuam tha leh sum leh paiin tanpui losela chuan a sorkar hi Opposition tangtual- West ramte tanpui chuan an paithla tawh ang.
John Kerry, US Secy of State chuan Saudi Arabia ah News Conference ah, "Russia leh Iran chuan inkahhai thuthlung zah sakin, inremna boruak siam turin hma an lak a ngai a. Syria rama an rorelna an kian san a ngai a ni" a ti.
Syria sorkar aiawha inbiaknaa tel Bashaar al-Jaafari chuan Geneva a inbiakna chuan hma a sawn zel a beisei awm a, inbiaknaa sawiho tur-agenda mumal tak erawh neih a tul a ni, a ti.
Opposition tangrual aiawh Salem al-Meslet, High Negotiation Committee chuan, "Inbiakna leh inremna turah chuan thilsual-crimes titu reng reng, President Bashar al-Assad tiamin an tel ve tur a ni lo" a ti.
Eptu tangrualte hian President Bashaar al Assad chu dah kian an duh dawn a, hei hi Russia leh Iran hian an remti ang em tih a sawi theih loh. Nikum hmasa lam khan Russia President Vladimir Putin chuan President Assad hi an rama raltlan tir a, political asylum pek tiam angin an sawi a; mahse, a hnuah nasa taka phatna a awm. Russia chuan Middle East bialah Syria ram chan tuipuiah Naval Base a neih vangin, Syria hi a tanpuilo theilo a ni. Tunah pawh indo thlawhna tha chi leh a special operation forces engemaw zat leh thlawhna kahthlakna changkang ber chi SAM-3 te pawh Syriaah hian a rukin a chhawp niin an sawi.
Iran lahin Syria sipai, Eptu pawl helho leh ISIS helte hlauva tlanchhe thin ho turin Military Advisers a thawn lut nual a, indona hmunah pawh Iranian leh Russian military te hi an tel thin niin an sawi bawk. Eptu hoten ram bung thenkhat an lak chu Russia indo thlawhna te tanpuina vangin President Assad a sipaiten an la let duai duai tawh a ni.
Syria tualchhung indona vangin mi 500,000 in nunna an chan tawh a, raltlan-refugees 3 million chuang awm tawhin, tuartu thi zingah civillian pawh an tam tawh hle a. Kum 2015 October thla khan Civilian 1,216 thi awmin Civil mi nilo mi 555 an thi bawk. Heng civilian thite hi Syria President Bashar al Assad a tanpuitu Russia fighters bomb thlak vang niin an puh a, thenkhatin ISIS hoten bomb leh missile a an kah vangah an puh bawk.
Syria ramah hian Russia leh Iran chuan rorelna an chelh a ni ber tawh a; anni ram pahnih hian President Bashar al-Assad hi ralthuam tha leh sum leh paiin tanpui losela chuan a sorkar hi Opposition tangtual- West ramte tanpui chuan an paithla tawh ang.
John Kerry, US Secy of State chuan Saudi Arabia ah News Conference ah, "Russia leh Iran chuan inkahhai thuthlung zah sakin, inremna boruak siam turin hma an lak a ngai a. Syria rama an rorelna an kian san a ngai a ni" a ti.
Syria sorkar aiawha inbiaknaa tel Bashaar al-Jaafari chuan Geneva a inbiakna chuan hma a sawn zel a beisei awm a, inbiaknaa sawiho tur-agenda mumal tak erawh neih a tul a ni, a ti.
Opposition tangrual aiawh Salem al-Meslet, High Negotiation Committee chuan, "Inbiakna leh inremna turah chuan thilsual-crimes titu reng reng, President Bashar al-Assad tiamin an tel ve tur a ni lo" a ti.
Eptu tangrualte hian President Bashaar al Assad chu dah kian an duh dawn a, hei hi Russia leh Iran hian an remti ang em tih a sawi theih loh. Nikum hmasa lam khan Russia President Vladimir Putin chuan President Assad hi an rama raltlan tir a, political asylum pek tiam angin an sawi a; mahse, a hnuah nasa taka phatna a awm. Russia chuan Middle East bialah Syria ram chan tuipuiah Naval Base a neih vangin, Syria hi a tanpuilo theilo a ni. Tunah pawh indo thlawhna tha chi leh a special operation forces engemaw zat leh thlawhna kahthlakna changkang ber chi SAM-3 te pawh Syriaah hian a rukin a chhawp niin an sawi.
Iran lahin Syria sipai, Eptu pawl helho leh ISIS helte hlauva tlanchhe thin ho turin Military Advisers a thawn lut nual a, indona hmunah pawh Iranian leh Russian military te hi an tel thin niin an sawi bawk. Eptu hoten ram bung thenkhat an lak chu Russia indo thlawhna te tanpuina vangin President Assad a sipaiten an la let duai duai tawh a ni.
