Zoram pumah Palm Sunday hman a ni
Aizawl, 21 March: Isua Krista sabengtung chunga chuanga Jerusalem khawpui-a lal anga a luhna champha ‘Tumkau Ni’ chu khawvel ram dangte rualin Mizoramah vawiin khan kawngzawhin lawm a ni.
Mizorama kohhran hrang hrangte chuan Tumkau Ni hi hlim taka hmangin zingkarah Sande Sikul naupang leh an zirtirtute bakah puitling tam takin tumkau kengin kawng an zawh a. Fakna hlate sa a, Pathian thuchangte sawiin, “Hosana, Lalpa hminga lo kal chu fakin awm rawhse, ram lo thleng tur kan Pa Davida ram chu fakin awm rawh se, Chungnung berah khian Hosana” tiin an au rual a ni.
Presbyterian Kohhran puitling Sande Sikul chu a ngai angin kalpui a ni a, naupang lamah erawh chuan hemi puala zir tur bika buatsaih chu department tinah an zir a. Chawhnu lam atangin kohhran nawlpuiin an hmang a, Synod lam atanga thupui thlan sa hmangin inkhawm kalpui a ni a. Zan inkhawm bana lenkhawm tumte pawh an awm.
Kohhran hrang hrang inkhawm pawh vawiinah chuan Isua Krista Jerusalem-a chawimawi a nih chungchang hian a luah a. Baptist Kohhran chuan ‘Lalpa’n a duh a ni,’ tih chu Tumkau Ni thupui-ah an thlang a. Siaha lamah chuan hemi ni pual hian inkhawm banah nilengin an zaikhawm a. Thusawitute’n ‘Lalpa’n a duh a ni,’ tih thupui hmangin thu an sawi a ni.
Mizorama kohhran hrang hrangte chuan Tumkau Ni hi hlim taka hmangin zingkarah Sande Sikul naupang leh an zirtirtute bakah puitling tam takin tumkau kengin kawng an zawh a. Fakna hlate sa a, Pathian thuchangte sawiin, “Hosana, Lalpa hminga lo kal chu fakin awm rawhse, ram lo thleng tur kan Pa Davida ram chu fakin awm rawh se, Chungnung berah khian Hosana” tiin an au rual a ni.
Presbyterian Kohhran puitling Sande Sikul chu a ngai angin kalpui a ni a, naupang lamah erawh chuan hemi puala zir tur bika buatsaih chu department tinah an zir a. Chawhnu lam atangin kohhran nawlpuiin an hmang a, Synod lam atanga thupui thlan sa hmangin inkhawm kalpui a ni a. Zan inkhawm bana lenkhawm tumte pawh an awm.
Kohhran hrang hrang inkhawm pawh vawiinah chuan Isua Krista Jerusalem-a chawimawi a nih chungchang hian a luah a. Baptist Kohhran chuan ‘Lalpa’n a duh a ni,’ tih chu Tumkau Ni thupui-ah an thlang a. Siaha lamah chuan hemi ni pual hian inkhawm banah nilengin an zaikhawm a. Thusawitute’n ‘Lalpa’n a duh a ni,’ tih thupui hmangin thu an sawi a ni.
