Latest Post

Brazil ah nula kum 16 mi misual 33 in pawngsual rawn

Brazil khawpui Rio De Janeiro a May ni 23 leh 24 inkar vela he thil thleng hian keichu ka lunglai a kuai hneh hle mai! Suah sualna hi kan khawvelah hian a lo va han sang tawh tak em.
       
He nula chhiatna ropui tak tawk tu hi ama thu a a bialpa te ina va riak ani a.Chu chu a pawngsual tu ten hian remchangah la in, drug in an hrai rui a, mi 33 velin  an pawngsual ta chiam ani. A bialpa pawh rin hleh thuah man ani tawh a. An pawngsual lai thlalak hi twitter lamah a darh zau nasa hle mai a. He tleirawl nu leh pa tan chuan "vanpui a chim"ani ber mai.
     
Brazil ram saw tun atanga thla hnih lekah Olympics game thleng tu tur anih avangin, he thil thleng hian a ram hmai a tichhe hneh hle awm e. Minute 11 dan apiangin Brazil ramah chuan mi pakhatin pawngsual a tawk ang ani.
     
Salient features about this incident:

(a) Tleirawl kum 16 mi lek ni si in a bialpa kum 20 mi hnena riak tur hian amahin a duhthu in a kal thei tlat!

(b)Brazil ram pum a hmeichhe population hi 52 % total population ani a. Mipa aiin hmeichhia an tam zawk tihna ani. Chutiang rama thil thleng atan chuan a rapthlak map map hle ani.

(c)Gender equality leh women empowerment an buaipui nasat na hmun apianga rape case hi a lo tam zawk em aw! tihtheih ani. He thil pawi tak thlen na ram Brazil ah hian gender equality hi an buaipui nasa hle ani.

(d) Khawvel changkana te hi suah sualna tiril tuah an hmang tangkai hle ani.
       
Tun thla pawh hian India ramah ngei heng pawngsualna rapthlak lutuk hi  Kerala ah a thleng ve anih kha. Pawngsual tu te chu tam vak lo mahse an che rapthlak takzet anih kha maw!!..
   
Heng a chunga thil thleng te atang hian in enfiah leh zir tur kan ngah hle in ka hria. Mifing kan nih chuan mi tawhsual leh thil tihsual te hi kan tawrhpui anga, chumi rualin heng thil thleng atang te hian fin zai kan rel tur ani.

#Lalduhthlana Khiangte