He Assam type Inah hian In neitu Pu Lalrokima leh a nupui Tlanthangi leh an fa te pali, hmeichhia pahnih leh mipa pahnih te an cheng a, lung muang leh tui takah an muthilh laiin an in chu truck hian a rawn su darh ta vek mai a ni. An vai hian an in darh sawm nulh nen an kawmthlang lamah an liam thla vek a,hliam an tuar vek a ni. An fa te pali hi Falkawn referral hospital-ah admit an ni a, Pu Lalrokima leh a nupui hian an lu leh taksa dangah hliam an tuar a, Aizawl lamah refer an ni. CT scan te tih a ni a, ngaihtuahawm lutuk an ni lo hlauh niin Tachhip VDP President Pu Lorrain Zairemmawia chuan a sawi. Pi Tlanthangi hi a khingkhang ruh a tliak a ni.
Truck-ah hian driver nen mi pali (4) an chuang a, an passenger nia hriat Chakma nula kum 20 vel chu Falkawn damdawiin panpui a nih laiin a boral a, hnamdang truck-a chuang ve dang te pawh Falkawn damdawiinah admit an ni.
