Advocate Lalbuatsaiha truck in chil hlum

4th May, 2016 (MSR) : Nizan dar 9:30 vel khan Hunthar leitlahniam bulah vai truck gas phur nia hriat Sairang lam pana tlan chuan Bike a chuang Gordon Lalbuatsaiha (32) S/o. Dengzika Zadeng Dawrpui Vengthar chu a chil a, Aizawl Civil Hospital panpui a nih hnuah Gordon Lalbuatsaiha hi a boral.

Gordon Lalbuatsaiha hi sairang lam panin bike-a tlan ve tho niin hriat a ni a, an intlan pel tur a chesual nia rin a ni. Truck hi a tlan tlang a, he thu buatsaih lai thleng hian truck leh a khalhtu hi man a la ni lo. He thil thleng Police-a report a luh hun hi nizan dar 9:45 vel a ni.

Gordon Lalbuatsaiha hi Advocate a ni a, a nupui leh a fanu Lunglei lamah an awm lai a ni. Lusun chhung te Pathianin awmpuiin thlamuan mawlh rawh se.