Dt 29.4.2016 zan dar 10:30-11:00pm inkar khan Siaha District Vahia khawdai ah thiandun thingzai tura ramriak chu inhnial buai in,a thianpa chu chem in hmun ruk ah a sat.
Chema sattu hi Penglinga kum 29 vel a upa Myanmar a Thantlang bula awm niin hriat a ni a.A saha zawk hi Hmangaihzauva kum 25 S/o Hc Ryutlua (L) New Coloney Siaha,tun a Siahatlah-a apu te hnena khawsa mek a ni.
Penglinga hian Hmangaihzauva hi thingzai pui turin a sawm a. Thingzaina hmun Vahia ramah hian an riak a.Thingzai neitu pi K.Dawhlei Vahia pawh hi ram ah hian a riak ve a ni.
Hmangaihzauva sawi danin an inhnial chhan hi,a thianpa tlaia a ramvak Vahrit a hmuh a kah thei loh thu-ah a ramvak chau thinrim vang mai niin a sawi.
Thingzai neitu pi K.Dawhlei pawh an inhnial lai hian a awm ve renga,a ni sawidan chuan, Penglinga hi thin butut nei hrim hrim a nih avanga tipalh niin a sawi bawk.
Chem hian a lu chung lam ah hmun-4,a bek ah hmun-1 leh a hnunglam dar ah hmun-1 a vaiin hmun-6 ah a sat a ni.
A zan la lain Vahia khuaa Pick up chahin Siahaah rawn phurh chho nghal a ni. MGC Hspitalah admit ni a, ngaihtuahawm lutuk erawh a ni lo hlauh e.
A sattu hi Phura Police outpostah inreport a tum thu amah hmutu naupangho hnenah a sawi a.A inreport leh report loh erawh tun thleng hian hriat a la ni lo a,FIR pawh submit ni tawh.
