Zu zuar chenna In bang thiah sak
27 May : Niminpiah ni 25-05-2016 Zing 9 vel khan Teikhang (champhai dist) khua a zu zuar Chingsianmuangi d/o Mangkhanpaua Te chenna in chu Teikhang khawtlang hruaitu ten an thiahsak.
Teikhang Vc secretary Khamsangmuana hnen atanga Save Mizoramin thu kan dawn danin ,TEIkhang khua hian an khaw chhungah ruihhlo zawrh leh lakluh an khap tlat a, Vdp te dinin NASA takin hma an la mek a, Khawtlang hruaituten an thiah sak tak In neitu Chingsianmuangi hi Aizawl lamah awmin Teikhang khuah hian zu a tawlh chho fo thin a, nikum lam Khan Aizawl atanga a tawlh chhoh Rum um 80 chuang chu Vdp ten an man sak a, khawtlang hruaitute chuan an khua a zu tawlh lut tawh lo tur leh a tileh anih chuan a chungah eng hremna pawh lek nise a pawmtur thu intiamkamna ziah tirin chhuah leh a ni a,chu aintiamkamna ziah chu zah so loin ni 12/5 khan Rum 70 chu teikhang khuaaj hian a tawlh luh leh a, chu chu Khawtlang hruaitite hian an man sak leh tak avangin an khua chhuahsan turin an ti a, niminpiah zingkar khan chingsianmuangi te chenna in bang chu an thiahsak ta a ni .
Khamsangmuana Chuan Whatsapp leh face book chanchinthar group thenkhat ah thu hrechiang lo in Muangi fate pahnih in a awm lai chu khawtlang hruaitite hian an in an thiah hnan niawm leh an in chjung bungrua te an thehchhuah sak niawma mi thenkhat ten thu an thehdarh chungchang chu thu dik tawk lo a nih thu leh a thehdarhtute chungah pawh an lungawi loh thu a sawi.
Vc Sect chuan Chingsiangmuani Te in hi thiah sak thut an nih loh thu a sawi a, An khua chhuahsan tur a an tih vangin an bungrua pawimawh sa seng turin an hriattir thu leh an thiah hma ni 24/5/16 zing pawh Khan an in ah hian kalin an hriat thar tir leh thu a sawi a, an chenna in bang thiat tur a khawtlang hruaitute an in a an Kal lai hian a fate pahnih chauh chu in ah hian an lo awm ngei a, ei rawng an lo bawl mek avangin an zawhfel hun nghakin an thu a , tukyhuan an eikham hnuah a nu pa pu mangkhanpaua te in lamah an unau hnih chuan kaltirin khawtlang hruaitute chuan an in bang chu an thiat tan chauh niin a sawi.
~Save Mizoram
