Education Department meeting nei

Aizawl, 15th Jan : Vawiin khan School Education Minister Pu H. Rohluna leh Parliamentary Secretary Pu Joseph Lalhimpuia te chuan Department Officer-te nen hmalak dan tur thlirin inhmuhkhawmna an nei.

Pu H. Rohluna chuan Department Office-te inkhaidiat dan mumal taka siam fel ni se tha a tih thu te tarlangin, sorkar term hmasa a Minister-in theihtawpa hma a lo lak tawhna chu chhunzawm a tih puitlin a duh thu a sawi a. Transfer leh posting chungchangah pawh kalphung mumal tak siam tula a hriat thu te, document vawn that kawnga hmalak zel leh department thuruk vawn pawimawh zia te a sawi a. Zirtirtu leh thawktu dangte medical benefits leh thildang an chanvo tur atanga beisei lo neih ve a thianglo a ni, Minster chuan a ti bawk.

Pu Joseph Lalhimpuia pawhin thu sawiin, Education Department thawktute chu inpekna nen a mipui rawngbawlpui turin a sawm a. An department chu Department dang zawng zawng enkawltute siamchhuaktu a ni tiin, thalaite chu zirna mai bakah an nun kawng kawhhmuhtu pawimawh tak an nih thu a sawi a. Inrintawkna nen inpawh taka thawhho chuan thil tam tak an ti hlawhtling thei dawn a ni, Parliamentary Secretary chuan a ti.

Meeting hi Education Department Secretary Pu K. Lal Nghinglova’n a kaihruai a. Minister-te hian School Education bakah SCERT, MBSE leh SSA leh RMSA thawktute hmu in nilengin hun an hmang a ni.