Mar 16, 2016, MSR: Nu leh pa leh ram mipuite ngenna avangin Central YMA SRS 3rd batch chu din a ni leh ta a, Central YMA SRS te hian Mizorama ruihhlo lolut tur a bik takin No.4 do leh manna kawngah theihtawp chhuahin hma an la a, March ni 3 khan charge inhlan felin charge inhlan hnu, March 5-15. 2016 (ni 11 chhung) in No.4 (Heroin) man zat hetiang hi a ni:
Hawng - 12
Can - 124
Chhin sen - 10
Mirhing - 86
Home/Centre a dah - 12
Counselling pek - 24
No. 4 man hlut zawng hi Market rate ah Rs. 8,84,800 (nuai 8, sing 8, sang 4 leh 800) a ni a, theihtawp chhuahin ruihhlo do beihpui hi kalpui zel a ni bawk.
Central YMA SRS 3rd Batch te hian Pu Thangdingliana (L) Thakthing veng, Pu Dominic Lalhmangaiha MCS (Retd.) Kulikawn te hnen atangin tanpuina (donation) an dawng a, an lawm hle.
Central YMA SRS te hian Bathch hmasa lamah khan mi thahnemngai leh tlawmngaite artangin tanpuina hetiang hian a dawng:
April 2015- Feb 2016 chhungin cheng nuai 13, sing 6, sang 1 leh 450 an dawng a, April 2015-Feb 16 chhungin sum cheng nuai 12, sing 7, sang 5 leh 667 an hmang a, SRS duty te hian thlatin senso atan Rs. 1,15,970 vel chawhruala hmang ang an ni.
