Thingsulthiah Tlangnuam-a he Farm hawnnaah hian Minister chuan, Mizote sa duh ber Vawk sa-a Mizoram a la intodelh lo leh phai lam leh Myanmar lam a\angin vawk note leh vawk talh tur nasa taka lak luh a ngaih avangin a thlawnin state pawn lamah sum tam tak a luang chhuak reng niin a sawi a. Hei hi a ui-awm a tih thu sawiin, heng sum luang chhuak venna leh ti reh tur hian NLUP sum leh RKVY hmangin hma lak a ni a, vawk sa, vawk talh tur leh vawk note-ah pawh rei lo te ah intodelh thuai beisei a ni, a ti.
Pu Ngunlianchunga chuan, Tanhril-ah Ar note tihpunna leh ran chaw siamna hlawhtling taka bun a nih thu pawh sawiin, Tanhrilah tho hian cheng nuai 400 sengin ranchaw siamna changkang leh rintlak tak bun belh mek a ni a ti a, Lawngtlai-ah Social welfare tanpuina in Ar note tihpunna hmun siam a n a sawi bawk.
Pig multiplication Farm hi RKVY sum cheng nuai 475 senga din a ni a, kum 2014 khan sak tan a ni. Vawk pui 200 vulhna tur In Pali a awm a, he’ngah hian vawk pui tur vulhna, vawkpui rai lai leh no nei tawh dahna, vawk dam lo enkawlna tur leh vawk note dahna bakah a chi thlahtu tur vawkpa vulhna tur bik te a hranin fel taka siam a ni. Tunah hian vawk pui 30 a bul \anin kumin chhung ngeia vawkpui 200 dah hman tura ruahman a ni a, he farm atang hian kum tin vawk note 4,000 thar chhuah theih tura ruahman a ni.
