He thil hi eirukna mai nilovin a lang pauva mipui pawisa chhuhsaknaah an ngaih thu an sawi a. Dan pawisa lo a khawtlang hruaitu \henkhat thiltih chu ram leh mipuite pawisawina lian tak a nih avangin an aiawhsak mipuite hmakhaw ngai a dan dik taka kalpui turin Local Council leh Village Council hruaitute an ngen thu an thuchhuah chuan a tarlang.
Ration card tharah hian chhungkaw member ziahluh kimloh a tam hle a niin PRISM thuchhuah chuan a sawi a. Chhungkaw pianni leh thla in ang vek leh pian kum ziah dikloh te, Hming ziak dikloh te a tam em em a ni an ti a. Chhungkaw hotu bera hmeichhe hming dah si mipa thlalak dah daih te, Chhungkaw member ni miahlo thlalak belsak te a awm nasa hle bawk niin an sawi a. He’ng diklo nasa tak awm siamthat a nih theihna’n hian hma an la dawn tih sawiin. Diklo taka thil titu te chu sorkarin man chhuakin hremna pe ngei se, mipui te Ration Card anlo siam dikloh poh tidik leh vekin man chawi tawh lova mipuite a thar dik leh felfai taka a pek ngei an duh tih an thuchhuah chuan a tarlang bawk.
Hetihlai hian Food, Civil Supplies and Consumer Affairs Minister Pu John Rotluangliana chuan vawiina a bial chhunga Nalzawl khua a tlawhnaah Ration Card a thil diklo awm te chu tih dik leh vek tur a nih thu a sawi nawn a ni.
