Aizawl, 25 March (Mizo News): Mizoram Sawrkarin lo hal hun a bithliah chhunga hallo khaw 43 leh chhungka 76 an awm ni a chhinchhiah a ni.
Forest and Environment Department atanga thudawn danin, March ni 15 hnu lama lo hal hi Aizawl Division ah chhungkaw 5, Mamit Division ah chhungkaw 19, Thenzawl ah 52 an awm a, Heng bakah hian Kolasib Division ah khaw 18 in lo an hal tlai a, Champhai ah khaw 6, Darlawn ah 4, Kawrthah ah khaw 6, Tlabungah khaw 5, N.Vanlaiphai Division ah khaw 3 leh Mara Autonomous Dist Council ah khaw 1 an awm a ni.
Forest and Environment Department chuan sawrkarin hun a tiam chhunga lo hal kimna Division Lunglei leh LADC chiah an awm tih an sawi a, hetihlai hian Tarpho leh Aithur khua te chu lohal hunah khua in a bumro avangin Local administrative Department (LAD) chuan an lo hal hun hi an pawhtlai zawk ani. Lo hal tlai ten lo an hal tlai chhan zingah Meilam sial zawh hman loh vang te, Mibo zawn leh mithi neih vang te, Lo vah tlai vang te leh Mimal harsatna vang te chu an chhunlam a ni a, heng bakah hian khaw 11 te lo hal tlai chhan chu hriat ala ni lova, lo hal tlai te chhuanlam hi Forest and Environment Department chuan chhuanlam tling ani em tih an enfiah mek a ni.
A huna lo hal lo khua te chu a chhan tling anih loh chuan sawrkarin dan anga a hrem ngei a tul dawn tih an sawi a, ,kumin hian sawrkar chuan nasa taka hma la in Chief Minister Pu Lalthanhawla kaihhruaina hnuaiah State Level Committee on Fire Prevention chuan kangmei chhuak thei laka in vendan tur ruahmanna fel tak a siam a, hemi bawhzui hian Chief Secretary chuan DC tinte ko khawmin Video Conference hmangin March ni 15 ral hma a lo hal vek tura hriattirna chhuah anih thu Forest and Environment Department chuan an sawi ani.
Forest and Environment Department atanga thudawn danin, March ni 15 hnu lama lo hal hi Aizawl Division ah chhungkaw 5, Mamit Division ah chhungkaw 19, Thenzawl ah 52 an awm a, Heng bakah hian Kolasib Division ah khaw 18 in lo an hal tlai a, Champhai ah khaw 6, Darlawn ah 4, Kawrthah ah khaw 6, Tlabungah khaw 5, N.Vanlaiphai Division ah khaw 3 leh Mara Autonomous Dist Council ah khaw 1 an awm a ni.
Forest and Environment Department chuan sawrkarin hun a tiam chhunga lo hal kimna Division Lunglei leh LADC chiah an awm tih an sawi a, hetihlai hian Tarpho leh Aithur khua te chu lohal hunah khua in a bumro avangin Local administrative Department (LAD) chuan an lo hal hun hi an pawhtlai zawk ani. Lo hal tlai ten lo an hal tlai chhan zingah Meilam sial zawh hman loh vang te, Mibo zawn leh mithi neih vang te, Lo vah tlai vang te leh Mimal harsatna vang te chu an chhunlam a ni a, heng bakah hian khaw 11 te lo hal tlai chhan chu hriat ala ni lova, lo hal tlai te chhuanlam hi Forest and Environment Department chuan chhuanlam tling ani em tih an enfiah mek a ni.
A huna lo hal lo khua te chu a chhan tling anih loh chuan sawrkarin dan anga a hrem ngei a tul dawn tih an sawi a, ,kumin hian sawrkar chuan nasa taka hma la in Chief Minister Pu Lalthanhawla kaihhruaina hnuaiah State Level Committee on Fire Prevention chuan kangmei chhuak thei laka in vendan tur ruahmanna fel tak a siam a, hemi bawhzui hian Chief Secretary chuan DC tinte ko khawmin Video Conference hmangin March ni 15 ral hma a lo hal vek tura hriattirna chhuah anih thu Forest and Environment Department chuan an sawi ani.
