Aizawl, 21 March: Aizawl leh Kolasib District huam chhunga VC 31 by-election neih hun tur chu thla thar, April thla bullamah puan a nih a rinawm.
State Election Commission atanga thudawn danin naktuk atang hian heng VC 31-a electoral roll duan chhin chu tar chhuah a ni ang a. March ni 22 leh 28 inkar chhungin hming thun belh duh emaw sawisel tur nei tan emaw hun hawngin March ni 31 leh April ni 5 inkar chhungin endik a ni ang a, April ni 6 leh ni 7-ah electoral roll thar hi chhu chhuakin April ni 8-ah tar chhuah a ni dawn a. Hemi zawh fel a nih hi chuan VC inthlan that tur ni hi puan thuai a nih a rinawm.
LAD Minister Pu P.C. Lalthanliana chuan MNF member Pu K. Sangthuama zawhna ziaka chhangin HPC (D) Demand area a inthlanglo VC 31 te inthlanna buatsaih tura State Election Commission hnena hriattir a nih tawh thu Nilaini khan Assembly a hrilh tawh a ni.
State Election Commission atanga thudawn danin naktuk atang hian heng VC 31-a electoral roll duan chhin chu tar chhuah a ni ang a. March ni 22 leh 28 inkar chhungin hming thun belh duh emaw sawisel tur nei tan emaw hun hawngin March ni 31 leh April ni 5 inkar chhungin endik a ni ang a, April ni 6 leh ni 7-ah electoral roll thar hi chhu chhuakin April ni 8-ah tar chhuah a ni dawn a. Hemi zawh fel a nih hi chuan VC inthlan that tur ni hi puan thuai a nih a rinawm.
LAD Minister Pu P.C. Lalthanliana chuan MNF member Pu K. Sangthuama zawhna ziaka chhangin HPC (D) Demand area a inthlanglo VC 31 te inthlanna buatsaih tura State Election Commission hnena hriattir a nih tawh thu Nilaini khan Assembly a hrilh tawh a ni.
Autonomous district council 3 huam chhung tih loh Mizoram pumah VC inthlan hi nikum April ni 30 khan neih a ni a. Aizawl leh Kolasib district-a khaw 31-ah erawh chuan HPC(D) helte’n candidate siamlo tura political party hruaitute an vau avangin hming pelut an awm lova. Hming pekluh theih hun sawn a nih hnu-ah pawh pelut an awm chuan’ loh avangin inthlanna hi neih a ni ta lova. Nikum July ni 7 khan HPC (D)-te’n inthlan an duhlohna hi an sut leh a. Eptu MNF party phei chuan heti chunga inthlanna buatsaih duh lawk lovah sorkar chu an puh fo tawh a ni.
