14th April, 2016 (MSR) : Nimin khan April ni 3, 2016 atanga Aizawl chhuahsana Myanmar pana zin Chief Minister Pu Lal Thanhawla leh a nupui Pi Lal Riliani te chuan tluang takin Aizawl an lo thleng.
Nimina Chief Minister lo haw hi Mizoram Pradesh Congress Committe General Administration Department (GAD) huaihawtin Congress party chuan Lengpui Airport-ah an lo hmuak a. Congress party thawktu thahnem tawk takin lo hmuakin, "Zofa hmun hrang hranga awmte tana pa nih tling Pu Lal Thanhawla kan lo lawm a che," tiin MPCC chuan an lo lawm a, "Zofate inpumkhat nana nasa taka thawk tu, mi ropui, hmun hrang hranga Zofaten an thlamuanpui Pu Lal Thanhawla kan lawm a che," an lo ti a ni.Congress party hian pangpar pein Chief Minister te nupa hi an lo chawimawi a, Aizawl District Congress Committee, Mizoram Pradesh Youth Congress Committee, NSUI, Mahila te pawhin pangpar lo hlanin an member thahnem tak CM hmuak tur hian an thawkchhuak a ni.
Chief Minister hi April ni 6-a Tahan Field-a Chapchar kut lawmnaah khuallian niin Pu Lal Thanhawla chuan Zohnahthlak in unauna chu ramriin then mahse unauna a tih danglam loh thu Chapchar kut-ah hian a sawi a, India ramah pawh state hrang hrangah awmin, Bangladesh leh Myanmar-ahte pawh Zohnahthlak thahnem tak an awm thu a sawi a, political ramri hian kan in unauna a ti danglam lo a ni tih hriat reng a that thu a sawi a ni. Tahan a cham chhung April ni 6 leh ni 7 khan zohnahthlak khua hrang hrang Khampat, Kanan, Pyingkhung, Letpan Chhawng leh Vaphai khuate tlawhin Zohnahthlak unaute hian ngaipawimawhin an thlamuanpui hle nia thu dawn a ni.
Nimina Chief Minister lo haw hi Mizoram Pradesh Congress Committe General Administration Department (GAD) huaihawtin Congress party chuan Lengpui Airport-ah an lo hmuak a. Congress party thawktu thahnem tawk takin lo hmuakin, "Zofa hmun hrang hranga awmte tana pa nih tling Pu Lal Thanhawla kan lo lawm a che," tiin MPCC chuan an lo lawm a, "Zofate inpumkhat nana nasa taka thawk tu, mi ropui, hmun hrang hranga Zofaten an thlamuanpui Pu Lal Thanhawla kan lawm a che," an lo ti a ni.Congress party hian pangpar pein Chief Minister te nupa hi an lo chawimawi a, Aizawl District Congress Committee, Mizoram Pradesh Youth Congress Committee, NSUI, Mahila te pawhin pangpar lo hlanin an member thahnem tak CM hmuak tur hian an thawkchhuak a ni.
Chief Minister hi April ni 6-a Tahan Field-a Chapchar kut lawmnaah khuallian niin Pu Lal Thanhawla chuan Zohnahthlak in unauna chu ramriin then mahse unauna a tih danglam loh thu Chapchar kut-ah hian a sawi a, India ramah pawh state hrang hrangah awmin, Bangladesh leh Myanmar-ahte pawh Zohnahthlak thahnem tak an awm thu a sawi a, political ramri hian kan in unauna a ti danglam lo a ni tih hriat reng a that thu a sawi a ni. Tahan a cham chhung April ni 6 leh ni 7 khan zohnahthlak khua hrang hrang Khampat, Kanan, Pyingkhung, Letpan Chhawng leh Vaphai khuate tlawhin Zohnahthlak unaute hian ngaipawimawhin an thlamuanpui hle nia thu dawn a ni.
