Aizawl, 2nd April: Chief Minister Pu Lal Thanhawla chuan nimin khan Aizawl Dinthar II-a Primary School I-ah Mizoram sorkarin Mizoram Youth Commission kaltlanga Indian Administrative Service (IAS) leh Staff Selection Commission (SSC) Coaching Centre a din chu a hawng.
Chief Minister chuan thalaite tana khawvel thar siam a kalpui mek naah he Coaching Centre hi sorkar hmalakna pakhat a nih thu a sawi a, "Prime Minister pawhin thalaite tana remchanna siam sak chu a ngaihpawimawh ber te zinga a mi a ni" a ti. Mizoram buai hmain Mizoten India sipaiah leh central service-ah kan thawh hlawk hle thin tih Chief Minister chuan sawiin, "rambuai hnuah sawi tham kan awm ta manglo a ni" a ti a. "Tunah hian central sorkar-ah Manipur-a zohnahthlak thahnem tham takin SSC kaltlangin hna sang tak tak, tam tak an thawk mek a ni a, he Coaching Centre hi thalaiten hlut thiam se exam-a tling ngei turin tan la se kan ram tan a chhenfakawm dawn a ni" a ti.
Chief Minister chuan "Mizoramah eizawnna hna petu lian ber chu sorkar a nih thu sawiin, sorkar hnuaiah hna pek sen a nih loh avangin thalaiten eizawnna an neih theihna turin thiam thil zirtirin skill development lam uar takin sorkarin a kalpui mek a ni" a ti a. "Heng thiamna zir hlawhtlingte chu Mizoram pawnah thalai tam tak hna hmuh sak an ni tawh" a ti.
Mizoram Youth Commission Chairman Pu T.Sangkunga chuan report pein, Mizo thalai lehkhathiam ten central service exam an paltlang theihna turin kum 2011 atanga hetiang coaching centre tha din tuma hmalak a nih thu a sawi a. "Chief Minister thurawn angin kum 2014 atanga IAS mai bakah SSC Coaching Mizorama neih a nih theihna turin Mizoram Youth Commission chuan hma a la a ni" a ti. IAS Coaching Class nei tur hian ETEN, New Delhi nen inremna ni 19.11.2015 khan ziah a nih thu Pu T Sangkunga chuan a sawi a, SSC coaching class nei tur hian EXCEL, New Delhi nen inremna ni 7.10.2015 khan ziah fel a nih thu a sawi bawk.
IAS coaching class hi VSAT hmanga neih niin, Video Conferencing-a class neih thin a ni a, zing dar 7:30 atanga chawnhnu dar 2:30 thleng neih thin a ni a, thla 10 chhung prelims-cum mains atan neih a ni ang a, SSC hi thla 4 chhung tur niin, nikhatah tum thum, shift thuma neih thin a ni a, zing dar 6:30 - 8:30 ; 11:30 - 1:30pm leh 4:30 - 6:30 pm ah te neih thin a ni.
Class hi ni 21.3.2016 atang khan tan a lo ni tawh a ni. IAS atan hian ETEN hian course fee atan mi pakhat zelah Rs.80,000/- tukin, hei hi sorkar-in Rs.60,000/- tum sakin mi pakhatin Rs.20,000/- fee an chawi thung a, SSC atan Course fee EXCEL in Rs. 20,000/- chuang an tuk laiin mi pakhatin Rs. 3,000/- chauh an chawi ve bawk a, abak chu sorkar-in a tum sak a ni.
Hawnna inkhawm hi Pu Lalrinmawia Ralte, Minister of State for LE&IT in a kaihruai a. Hawnnaah hian ETEN atangin Pu Manav Aggarwal, Dy Gen Manager leh Pu Anibhan Mukherjee, M.HM, Queen Margaret University (UK), BDM Emporium, Kolkata te an tel a, EXCEL atangin Nipun Kohli, B.Tech IIT Delhi, Director, EXCEL, Arkaz Sharma, IIT Roorkee, Teacher Excel Classes leh Lalit Chauhan, B.Tech, HRTI (UPTU), Teacher, Excel classes te an tel bawk a. An ni bakah Ministers, Dy Speaker, Parliamentary Secretary, MLA te leh Mizoram sorkar-a Secretary te an tel bawk a ni.
Chief Minister chuan thalaite tana khawvel thar siam a kalpui mek naah he Coaching Centre hi sorkar hmalakna pakhat a nih thu a sawi a, "Prime Minister pawhin thalaite tana remchanna siam sak chu a ngaihpawimawh ber te zinga a mi a ni" a ti. Mizoram buai hmain Mizoten India sipaiah leh central service-ah kan thawh hlawk hle thin tih Chief Minister chuan sawiin, "rambuai hnuah sawi tham kan awm ta manglo a ni" a ti a. "Tunah hian central sorkar-ah Manipur-a zohnahthlak thahnem tham takin SSC kaltlangin hna sang tak tak, tam tak an thawk mek a ni a, he Coaching Centre hi thalaiten hlut thiam se exam-a tling ngei turin tan la se kan ram tan a chhenfakawm dawn a ni" a ti.
Chief Minister chuan "Mizoramah eizawnna hna petu lian ber chu sorkar a nih thu sawiin, sorkar hnuaiah hna pek sen a nih loh avangin thalaiten eizawnna an neih theihna turin thiam thil zirtirin skill development lam uar takin sorkarin a kalpui mek a ni" a ti a. "Heng thiamna zir hlawhtlingte chu Mizoram pawnah thalai tam tak hna hmuh sak an ni tawh" a ti.
Mizoram Youth Commission Chairman Pu T.Sangkunga chuan report pein, Mizo thalai lehkhathiam ten central service exam an paltlang theihna turin kum 2011 atanga hetiang coaching centre tha din tuma hmalak a nih thu a sawi a. "Chief Minister thurawn angin kum 2014 atanga IAS mai bakah SSC Coaching Mizorama neih a nih theihna turin Mizoram Youth Commission chuan hma a la a ni" a ti. IAS Coaching Class nei tur hian ETEN, New Delhi nen inremna ni 19.11.2015 khan ziah a nih thu Pu T Sangkunga chuan a sawi a, SSC coaching class nei tur hian EXCEL, New Delhi nen inremna ni 7.10.2015 khan ziah fel a nih thu a sawi bawk.
IAS coaching class hi VSAT hmanga neih niin, Video Conferencing-a class neih thin a ni a, zing dar 7:30 atanga chawnhnu dar 2:30 thleng neih thin a ni a, thla 10 chhung prelims-cum mains atan neih a ni ang a, SSC hi thla 4 chhung tur niin, nikhatah tum thum, shift thuma neih thin a ni a, zing dar 6:30 - 8:30 ; 11:30 - 1:30pm leh 4:30 - 6:30 pm ah te neih thin a ni.
Class hi ni 21.3.2016 atang khan tan a lo ni tawh a ni. IAS atan hian ETEN hian course fee atan mi pakhat zelah Rs.80,000/- tukin, hei hi sorkar-in Rs.60,000/- tum sakin mi pakhatin Rs.20,000/- fee an chawi thung a, SSC atan Course fee EXCEL in Rs. 20,000/- chuang an tuk laiin mi pakhatin Rs. 3,000/- chauh an chawi ve bawk a, abak chu sorkar-in a tum sak a ni.
Hawnna inkhawm hi Pu Lalrinmawia Ralte, Minister of State for LE&IT in a kaihruai a. Hawnnaah hian ETEN atangin Pu Manav Aggarwal, Dy Gen Manager leh Pu Anibhan Mukherjee, M.HM, Queen Margaret University (UK), BDM Emporium, Kolkata te an tel a, EXCEL atangin Nipun Kohli, B.Tech IIT Delhi, Director, EXCEL, Arkaz Sharma, IIT Roorkee, Teacher Excel Classes leh Lalit Chauhan, B.Tech, HRTI (UPTU), Teacher, Excel classes te an tel bawk a. An ni bakah Ministers, Dy Speaker, Parliamentary Secretary, MLA te leh Mizoram sorkar-a Secretary te an tel bawk a ni.
