Neo Chinzah
Panama papers chanchin chuan khawvel a nghawr chho zel a, a ram ang zawng phei chuan nghawr loh a nei lo kan ti thei deuhthaw ang. Sawrkar hrang2 in chhuizui an tum nasa mai si a, tuar na fe2 chu an awm chho zel dawn a nih hmel.
Hetiang khawp a lehkha pawimawh, tam bawk si, khawvel sawinghing thei khawp phen ah hian tunge/tutenge awm tih hi kan in rinsiak luih2 mai a nih hi. Khawvel in rindan a vawrh chhuah tlangpui hi hriat ve a tha a, a tlangpui chauh ka’n tarlang ve ang e.
1. Insider: An law firm chhung a hnathawk thiltih anih ring an awm nual mai a, mahse he rindan hi a pawmawm vak lovin ka hria. Panama papers a rik chhuah rual2 in khawvel in a thawktute kan ringhlel nghal dawn tih chu, an hrelawk sa ngei ang. An mahni leh an chhungte nunna thleng pawn a hlauhawm pha ang tih hresa chung in hlawkna awm lovin an chet duh a rinawm loh. Chubak ah an documents tih chhuah hi a tamtham lutuk a, mi 2/1 mai tan chuan hetiang zat2 hi hmanrua tha bik tak nen lo chuan manchhuak lovin an ruk chhuah theih a rinawm loh. Anni ang firm hausa leh hlun, thil pawimawh tawpkhawk khawih thin chuan an staff te a ruk in an enthla reng thin. An firm thupuangtu pawn ‘Staff tih a ni lo tih kan chiang, khawl thatak nen a hack a ni’ a ti reng a ni.
2. Russia thiltih a ni: Tunhnai deuh ah khawvel in US sawrkar an inrawlh ngei an rin vang nge ni dawn ni; western news thenkhat in Russia tih a ni tiin an puh ve tlat. An tanchhan chu Russia leh china hotute hming lang hi Russia inthup tumna mai a ni, an ram ah chuan an hotute tan engmah pawi leh hlauhthawn tur a awm lo, tuna an puanchhuah chin ah hian America sawrkar hotu lam hming a lang mang lova, a chhan pawh Russia hian America sawrkar hotute hi blackmail an duh vang ani. Russia hian US hi a thuhnuai a dah a tumna a ni an ti ve tlat. I awih em!!
3. Conspiracy theory: Khawvel in thiltawn danglam deuh a neih apiang a, rawn inrawlh nghal vat thin ho chuan mihausa 2, khawvel bank hrang2 thunun inchuh mek 2, American billionaire George Soro leh Rothschild ho inkar thu a ni an ti ve thung. Sawi sei vak lo mai ang, hemi te 2 in khawvel an thunun dan hi ngaihnawm tak chu a ni.
4. CIA leh George Soro te thiltih a ni: Hei hi kei chuan ka pawm ber a, sawi pawh kan sawi sei hlek bik ang.
(a) Panama papers chhuina kal mek a hnarkaitute hi CIA leh George Soro nen inzawm pawl anni. Tunhma pawh in thil tamtak ah CIA leh Soro te inkawp hian sawrkar hotute , mi lian leh hausa tamtak an lo tichhe tawh thin. Chung a an hmanrua hman thin leh tuna Panama papers kalphung hi a inang hle.
b. Khawl tha bik leh mithiam bik engemaw zat tan lo chuan hetiang documents tam si, pawimawh bawk si hi lakchhuah theih a rinawm loh.
c. CIA leh Soro ten an huatber ram Russia, China hruaitute an rawn target nghal chat. An puanchhuah hmasak ber pawh khan Putina hming leh a lem lian tawk in an tar kuau a nih kha.
d. Ngatinge an sangawi zawnpui British PM Cameron hming a lan tlat? Zawhna awmang tak ani. Brexit news hi tunlai England leh Europe a thu pawimawh inchuh mek chu nilo se, mak ka ti ve viau ang. Cameron khan inthlan hma a, a thutiam kha tih hlawhtlin a tum tlat si a, English mipui ten Europe a la beh zel nge an duh a, in lakhran tih enchhin an tum mek ani. Beisei loh tak in inlakhran duh ho boruak a lian chho zel si a, Europe nen an inzawmna hi an chhu chat lovang tih a sawi theih ta loh. Heihi Cameron vang ani. England an in lakhran chuan US in England kaltlang a, Europe a control na hi a hloh daih thei. Tunah hian Cameron hi bang tur in English mipui ten an kar mek a, lo bang ta se Brexit referendum hi an cancel theih mai a rinawm. US tan Cameron hi hnawksakna riau a nei ani.
e. Lionel Messi: A ni football player daih hming a lang hi amak angreng, mahse a mak love. Hman deuh khan Obama fanu in Messi hi hmuh a duh a, Argentina an zin tum in leng ah an sawm a, Messi hian hun a lo pe thei lo a, Obama pawh a vui nuah2 kha.
f. Iceland PM hi tuar hmasa ber ani. US lamtang an ni si a kan ti mai thei. Mahse PM a nih tirh khan Bank 8 a khar sak a, an hotute jail ah a khung mek ani. George Soro a lawm lo hle ang tih a hriat mai.
PS: Keini tribal ho hian income tax kan chawi ve lo, phai vai ho chuan 100lakhs ah 30lakhs deuh thaw income tax an pek a ngai. Tax awlruk nan kan mizoram bank ho ah hian mizo hming hawh in pawisa an thukru ti ta ila, i awih angem?
