Aizawl, Apr 11, 2016: Vawiin dar 11:30am atang Khan Tipa, Saiha District ah MCHP leh MHIP ten an hmeichhepui pawngsual avanga hliam natak tuar an lainat leh pawngsual an duhloh zia entir nan kawng an zawh.
Hetiang a lunhawilohna kawng zawh a nihna chhan hi Inrinni kalta, thimhlim khan pawmlai nei, Pu K. Lalramnunngai (21) s/o K. Beirakhai, Tuipang V-I chuan Nl. Thlopadi (26) chu a nupui ram kal damlo enkawlpui tura bumchhuak in Tuipang Thlanmual-ah a pawngsual a, a hmeichhe pawngsual chuan tan ngaihna a hriat tawh loh hnu in, mipa lungawi nan a Sazu chu fawh sak intiam in, mipa Sazu chu na takin a seh sak a, a seh bung tep a, mipa na ti lutuk chuan a nula hrawk ah chuan a tha tawp in a rek ve nghal a, hmeichhia hi nikhawhrelo in a kalsan niin an inpuanna ah an tarlang.
Nula pawmgsual leh nghaisak tawk chu darkar 3 dawn chhia leh tha pawh hrelo a awm hnu chuan rawn harh chhuak in, Thlanmual atanga In hnai ber a pan a, damdawiin panpui anih hnu in an in lam-ah inenkawl zui tura chhuahtir leh nghal a ni.
Hetihlai hian a pawngsualtupa hi a hliam a nat em avangin damdawiin-ah admit ve nghal a ni a, a hmeichhe pawngsual hi hlawhchham in, ama sazu erawh seh bun sak tep a ni a, a hliam hi na a ti hle.
Heti ang khawtlang leh hmeichhe chunga thilthleng rapthlak tak mai hi MCHP leh MHIP Tuipang te chuan ngaithiam lovin pawngsual tawk an lainat thu leh a pawngsualtu chu sorkar-in na tak in hremna pe ngei se an ti a, heti ang thil, hmeichhe awmnem zawk te chunga a thlen leh an remtilo tih an tarlang bawk.
Hetihlai vek hian pawngsualtu hi a sazu hliam nat em avangin Saiha damdawiin ah enkawl mek a ni.
–SDSR
