Champhai, 20 April : Vawiin khan SSA Mission, Champhai chuan BRC Training Hall-ah Champhai Block huam chhunga zirlai naupangte tan Medical Assessment Camp an buatsaih. He Medical Assessment Camp hi SSA-in Inclusive Education a kalpui hnuaia neih a ni a.
Champhai Block huam chhunga Sorkar enkawl Primary leh Middle School 75 atangin hriselna lama harsatna nei zirlai 10 aia tlem lo leh zirtirtu pakhat te chu inentir tur hian an ko a. Champhai District Hospital-a thawk Dr. Lalnuntluangi, Eye Specialist; Dr. J. Lalramchhuanga, Medicine Specialist; Dr. Janet Zoremnghaki, Pathologist-te chuan an hriselna te enfiahin damdawi chawh ngai an chawh bakah, mit tha lote hnenah tarmit an chawh nghal bawk a ni.
SSA Mission, Champhai hian Medical Assessment Camp hi tun thla tawp hian Khawzawl Block-ah an nei leh dawn a ni.
