Aizawl, 6 May: Tlaizawng kung 10,000 chuang phun theihna tura ruahman Chawngtlai Tlaizawng Huanah nimin khan bialtu MLA Pu Lalrinliana Sailo hovin a bul tan nan thingphun runpui neih a ni.
Thingphun programme puala khawtlang mipuite nen inkawmna hun buatsaihah MLA chuan Chawngtlai khaw mipui chu an khua hmasawnna atan ngaihtuahna an seng hle a a hriat thu sawiin, an hmalaknaah hian sumsiam tumna nilova thahnemngai taka an thawhna leh, department hrang hrangte nena thawhhona tha tak an nei chu lawmawm a tih thu a sawi a. Ramchhung leh pawn atanga khualzin hip theihna Chawngtlai leh a chhehvelah a tam thu sawiin, hemi kawngah hian hmalakna tur kawng tam tak ala awm a ni, a ti.
Pu Lalrinliana Sailo chuan Education-ah hmasawnna nasa zawk hmuh a nih theih nan tan lak a pawimawh thu sawi telin, zirtirtute pawh tan la a, an post ah rinawm taka an awm a pawimawh a ni, a ti bawk.
He hunah hian MLA tawiawmtu Champhai DC Pu Vanlalngaihsaka pawhin thu sawiin, khaw nuam siam tura Chawngtlai khaw hruaituten rahbi thar an siam chu fakawm a tih thu sawiin, thangtharte tan hmun nuam leh rotling ala nih tur thu a sawi a ni.
Chawngtlai Model Village-a Tlaizawng huan hi buhfai tin 10 hmun a zau ah siam niin, kumin chhung hian loneitu 12-in a enkawl hna an thawk dawn a ni. Tlaizawng kung sing khat chuang bakah a sir chei nan fartuah leh vaube phun tura ruahman a ni a. Tlaizawng zung phun tur hi Chawngtlai khaw bul hnaia tual to atanga lak anih bakah hemi atan hian Forest Department Khawzawl Nursery-ah a tiak tih nun mek a ni.
MLA hi Champhai DC bakah Project Director, DRDA Pu CC Lalchhuangkima leh Khawzawl BDO leh DIPRO, Champhai ten an tawiawm a ni. Thingphun bakah hian Chawngtlai 'Historical Village'-a hmun pawimawhte tlawh a ni bawk.
Thingphun programme puala khawtlang mipuite nen inkawmna hun buatsaihah MLA chuan Chawngtlai khaw mipui chu an khua hmasawnna atan ngaihtuahna an seng hle a a hriat thu sawiin, an hmalaknaah hian sumsiam tumna nilova thahnemngai taka an thawhna leh, department hrang hrangte nena thawhhona tha tak an nei chu lawmawm a tih thu a sawi a. Ramchhung leh pawn atanga khualzin hip theihna Chawngtlai leh a chhehvelah a tam thu sawiin, hemi kawngah hian hmalakna tur kawng tam tak ala awm a ni, a ti.
Pu Lalrinliana Sailo chuan Education-ah hmasawnna nasa zawk hmuh a nih theih nan tan lak a pawimawh thu sawi telin, zirtirtute pawh tan la a, an post ah rinawm taka an awm a pawimawh a ni, a ti bawk.
He hunah hian MLA tawiawmtu Champhai DC Pu Vanlalngaihsaka pawhin thu sawiin, khaw nuam siam tura Chawngtlai khaw hruaituten rahbi thar an siam chu fakawm a tih thu sawiin, thangtharte tan hmun nuam leh rotling ala nih tur thu a sawi a ni.
Chawngtlai Model Village-a Tlaizawng huan hi buhfai tin 10 hmun a zau ah siam niin, kumin chhung hian loneitu 12-in a enkawl hna an thawk dawn a ni. Tlaizawng kung sing khat chuang bakah a sir chei nan fartuah leh vaube phun tura ruahman a ni a. Tlaizawng zung phun tur hi Chawngtlai khaw bul hnaia tual to atanga lak anih bakah hemi atan hian Forest Department Khawzawl Nursery-ah a tiak tih nun mek a ni.
MLA hi Champhai DC bakah Project Director, DRDA Pu CC Lalchhuangkima leh Khawzawl BDO leh DIPRO, Champhai ten an tawiawm a ni. Thingphun bakah hian Chawngtlai 'Historical Village'-a hmun pawimawhte tlawh a ni bawk.
