Islamic Court in nupui te vuak phalsak raqt
28 May: Pakistan rama Islamic Council chuan P
Express-Tribune chanchinbu-in a tarlan danin, CII hian roreltute hnenah he rawtna hi siamin, "Nupuiten an pasalte thu awih loa, inthuam tura a tih anga a inthuam duh lo leh, thil dang a mamawhte a lo hnial a nih chuan a pasal hian na lutuk loin a nupui chu a vuak phalsak a ni tur a ni" a ti. Hei bakah hian nupuiten an nupa inlaichinna ṭha lo leh, pasalten kut an thlak avanga an pasalte kalsan chu Islam kalphung a ni lo tih an sawi bawk.
CII official chuan he rawtna hi an siam ngei a ni tih a sawi a, mahse roreltute hnenah bill pass tura an nawr hmain siamṭhat ngaite chu a la siamṭhat theih tih a sawi.
CII chuan rawtna an siam chu Koran zirtirna leh Sharia law behchhana an siam a nih thu an sawi a, Muslim hmeichhiaten khawlaia an lu leh hmai an khuh duh loh leh, hmelhriat loh an biak te, ring taka an ṭawngte, an pasalte remtihna loa sum hmanga midangte an ṭanpui a nih chuan in lama an pasalten kut an thlak theihna dan siam an rawt bawk a ni.
Pakistan ramah hian independence an hmuh kum, kum 1947 aṭangin hmeichhiate hian vote an thlak thei nghal a, kum 1988 khan prime minister atan Muslim hmeichhia, Benazir Bhutto an thlang tling a ni. Pakistan hmeichhiate hi motor an khalh pawh phalsak an ni. Khawlaia hmeichhiate inchei dan tura khuahkhirhna siam a ni lo bawk. Khawpui lianah chuan hmeichhiate hi zalen viau mah se, thingtlang hmun ṭhenkhatah erawh chuan khuahkhirh an ni hle thung.
