Mizoram Pradesh Congress Committee (MPCC) chuan kartina an tihdan angin, Vawiin ni 27 May, 2016 Political Session Congress Bhavan Golden Hall ah an hmang leh a,chu an hun hman chu Pu C. Lalnunmawia, General Secretary, MPCC in kaihruaiin Pu L. Lallawma, State Organiser chuan tunhnaia Organisers’ ten Tuirial Hydel Project an tlawh chungchang Report pe in Pu Lalngilneia, MPCC Media Department leh Pu C. Lalrosanga, MPYCC General Secretary ten Report an pe bawk.
MPCC thuchhuahin a tarlan danin MPCC Vice President Pu R. Lalzirliana, chuan thusawiin, kan Sorkarlai ni mahse inthlan a awm a piangin kan vote hmuh hi a pung zel a, tunhnai a HPC(D) Demand Area VC Bye Election ah pawh khaw 15 ah kan chak a, MP Inthlan hnuhnung berah pawh pawl awm zawng zawngin min beihrawn mahse hnehna kan chang a ni, a ti
MPCC thuchhuahin a tarlan zel danin an Vice President chuan inthlan a hnai tulh tulh a, MNF chhungkua an buai tulh tulh a, MNF te hi an huaisen a, vai Sipai kap ngam an ni a, tunah pawh Lunglei leh Saiha lama an hruaitu thenkhat te an ban ngam a ni. Kan rama thil tha lo, khuarel chhiatna alo thlen hian MNF te hi an lawm zel a, hei hi ram hmangaihna a nih ka ring lo. Khuarel chhiatna lo thleng hi mihring te thu a ni lo. CVJAC te’n nawrh an huaihawt lai pawhin Party dangte thang kam tih tlawlh a ni hi kan lawmna a ni a ti bawk.
Home Minister chuan a sawizelna ah, Kan Police Officer ten Zu avanga thi kan tam an tih hi a dik a, MNF Sorkar lai pawhin a dik a, engtik lai pawhin a dik a ni. Kan Police Zu avanga thi an tamna chhan hi MNF Sorkar laia kan Police Officer te’n an duh ang pawh la thei lova, MNF hruaitu chhung leh khat, Drug Addict te mai mai an lak vang a ni a. Congress Sorkarin mawhphurhna kan nei lo. MNF te hian kum 10 bak a Sorkar theih loh tih bak sawi tur an nei lo, Pu Zira chuan a ti bawk. Pu R. Lalzirliana chuan Tanhril, Luangmual, Zotlang leh Zemabawk atangin mithar duhawm tak tak MNF atangin mi 14 leh Neutral atangin mi 10, an vaiin mi 24 a lawm lut bawk a ni.
MPCC thuchhuaha a lan danin Supply Deptt Minister Pu John Rotluangliana pawhin thusawiin Kudam ruak leh Lei Chim hi lawmna chi a ni lova, ram hmangaih inti tu tan chuan intanpui zawk tur a ni. Ramdangah te pawh lei hi a min fo, Politics a inchirh theh nan tuman an hmang lo. MNF te hian Congress Sorkarah Buhfai a harsa te ti fo mahse MNF Sorkar laia Kohhran hrang hrangte’n Buhfai thawhkhawm a, kan sem lai te leh Josepha Buhzem te kha mipuite hian kan la theihnghilh lo tih hria se ka duh, Assam a BJP an chak avanga MNF lo lawm ve ngawt mai hi a mak a, Congress tawih nghaktu MNF te hi an tawih mek zel zawk a ni a ti bawk.
Supply Minister Pu John Rotluangliana chuan tunhnaia Delhi Central hotute a hmuh chungchang sawiin Fur ruahtui a tlak hma avanga Mizoram in harsatna kan tawh loh nan, September thla thlenga kan Buhfai mamawh Advance a lak min phalsak thu leh a Order pawh a rawn hawn nghal thu a sawi bawk.
