Pitar ngho nei Aizawl panpui mek

10th May, 2016 (MSR) : Nimin 9.5.2016 zing khan Thingsul Tlangnuam mi thenkhat feh kal te chuan Thingsul Tlangnuam ram chhung, Mel 5 Camp area-ah hmeichhe pakhat inpu bawr em em mai an hmu a, heng lai chhehvelah hian mithenkhatin ramhnuaiah Pitar Ngho nei tia an sawi mai thin hmu an awm thin thu an sawi avangin an rap deuh hlawm a. mipui an ralkhel ang reng hle.

Khawtlang hruaitu te hnenah tlai lamah thenkhatin an report a, VC leh YMA OB te an thukhawm a, zing lama ngaihven nise tiin nizan khan an rel a ni.

Tukin zing lamah YMA hruaitute chuan nimin lama mithenkhatin an hmuhna ram vel chu an zuk zawng ta a. Champhai road Sakeibanglamual thlang lawkah tunge a nih hriat loh ramhnuaia cheng thin hmeichhia an tih mai chu kawngpuia a lo kal an tawk ta a ni.

He hmeichia hian Satha ip hmangin thil chi hrang hrang a lo phur luk mai a. An be tawng zo lova, tunge a nih a, khawi lam atanga rawn kal nge tih an hre thei lo. Khaw lam panin motor-in an phur hawng ta a, eitur te an pe a, VC house-ah an chawlh pui a. Biak tawng an han tum ngial pawhin a tawng duh hauh lo. Khawchhak lam atanga rawn kal a nih takin tiin phone hmangin kawl tawng thiam an han biaktir dawn lahin a tawng tha duh bawk si lova, a ngaihna an hre lo hle mai a ni. Thingsul Tlangnuam khaw thenawma khawtlang hruaitute an han hrilh hlawma amah hria an lo awm si lo.

Kawlkulh ram velah he hmeichhia hi ni ngeia hriat ramhnuaiah hmu an awm thin a, rul te a awrh thin a, zawhte te a kai thin niin an sawi 'pitar ngho nei' tiin an sawi mai thin a, thenkhat chuan an tih deuh hlek hlawm niin an sawi.

He nu hi han sezawl chhuah leh tawp chu dikin an hre bawk si lova. Bawngkawn Police Station lam rawn panpui mek a ni.

Amah hria emaw a chhungte emaw he chanchin hi hria kan awm chuan ngaihven ni se a tha hle ang.