Climate Change chungchang workshop nei
He workshop hawnna inkhawmah hian Pu Lalsawta, Hon’ble Minister, Planning, etc. chu khuallian niin thutawi a sawi. Hetiang workhop pawimawh tak buatsaih a ni hi lawmawm a tih thu sawiin boruak lo inthlak danglam zelin kan ram a nghawng nasat tawhziate hi inhrilh hriat a pawimawh hle a ni a ti a, a hre lo hlei hleite hi an hlauhawm mah zawk a ni a ti. “Khawvel ram hrang hrangin he sik leh sa inthlak danglam zel tur danna leh tihnepna kawng an zawhnaah hian kan sawrkar hmalakna tam tak pawh hi sik leh sa danglam chak lutuk venna mila duan deuh vek a nih avangin hemi kawngah hian mipui pawhin sawrkar tawiawm nasa lehzual ang u,” a ti.
Workshop hi Technical Session I leh II-a then niin session I hi Dr. C. Lalzarliana, Director, Agriculture (Crop Husbandary), GoM-in kaihhruaiin Dr. Samuel Lalliansanga, Sr. Scientist & Head, KVK, Mamit chuan ‘Impact of Climate Change on Agriculture in Mizoram’ tih thupui hmangin paper a present a, Pu F. Lalbiakmawia, Asst. Hydrogeologist, Ground Water Resources Assessment Cell, PHE, GoM-in ‘Impact of Climate Change on Water Resources in Mizoram’ tih thupui hmangin zirtirna a pe ve thung a ni.
Technical session II-ah chuan Pu Liandawla, IFS, Chief Wildlife Warden, EF&CC,GoM in a kaihruai thung a, hemi hunah hian mi pahnih hnen atangin zirtirna ngaihnawm leh bengvarthlak tak zirho leh a ni a. Dr. T.C. Hmingthangi, SNO (Training), Directorate of Health Services, GoM chuan ‘Impact of Climate Change on Public Health in Mizoram’ tih thupui hmangin zirtirna a pe a, Prof. Lalnundanga, Mizoram University pawhin ‘Impact of Climate Change on Forest in Mizoram’ tih thupui hmangin zirtirna a pe bawk.
Heng mithiamte paper buatsaih ngaihthlak leh zirho a nih zawh hian kal khawmte chuan sawi hona hun leh zawhna leh chhanna hun an hmang zel a, Dr. R.K. Lianthanga, Chief Scientific Officer, Directorate of Science & Technology, GoM chuan lawmthu sawina hun hmangin workshop hi tihtawp a ni.
(Source: ENVIS Centre, Mizoram)
