Chanmari West pastor bial thar hawng

Synod Inkhawmpui thuchhuak angin nimin khan Chanmari West Pastor Bial thar chu Moderator, Rev. K. Lalhmuchhuaka’n a hawng. Chanmari West Pastor Bial thar hawnna inkhawm, Chanmari West Kohhran Biak Ina neih hi Moderator, Rev. K. Lalhmuchhuaka’n kaihruaiin bial thar hi a hawng a,

Chanmari Pastor Bial Senior Secretary, Upa Peter Zohmingthanga’n Bial report a pe a, Chanmari Pastor Bial Chairman, Rev. K. Lalhmingliana’n he bial thar hi Pathian hnenah a hlan a ni. Chanmari West Pastor Bial thar hi Chanmari Pastor Bial atanga indang a ni a, Chanmari West Kohhran hi Pastor thut hmun tur a ni a, Bial tharah hian Edenthar Kohhran leh Chanmari West Kohhran atanga indang tur, Chanmari West Hmar Veng Kohhran an awm dawn a, tunah hian Chanmari West Kohhran-ah hian member 4,200, dan zawh kim 3,063 leh Edenthar Kohhran-ah member 1,633, dan zawh kim 978 an awm a ni.