UD & PA in State ti thber lawmman dawng dawn

Vawiin chawhnu dar 2:00 khan UD & PA Department changtu Minister Pu Zodintluanga chuan India ram pum puia State hnathawk tha ber lawmman chi hnih dawng tur UD&PA department chu tlawh in a thawktute inpekna avanga lawmthu a hrilh a ni.

Ministry of Housing & Urban Proverty Alleviation, Govt. of India chuan kum 7 chhunga North East & Special Category States/UTs te zingah JNNURM thawk tha ber atan Mizoram chu a thlang a. Kum 2012-2013 a Small States/UTs zinga SJSRY Scheme thawk tha ber ah Mizoram hi a thlang leh bawk a ni. Heng lawmman 2 te hi January 21, 2014 hian Vigyan Bhawan, New Delhi a lawmman semna ah India President Pu Pranab Mukherjee hnen atangin Chief Minister Pu Lal Thanhawla leh UD&PA Minister Pu Zodintluanga ten an dawng dawn a ni.

Minister chuan UD&PA department chu Department thangduang leh hnathawk nasa a ni a ti a. A thawktuten an tihtur an tih avangin Mizoram a ti hmingtha a, India ram pumpuiah hna thawk tha ber lawmman hial a lo dawn theih phah a ni a ti. Mipui rawngbawltu, mirethei te ei leh bar zawnna kawng kawhhmuh a, in leh lo dinsak tute an nihna hre reng chunga tan la sauh sauh turin UD&PA Department hnathawktute chu a fuih nghal a ni.

Minister hi UD&PA changtu Principal Secretary Pu R.L. Rinawma’n tawiawm in Director Pu K. Lalthawmmawia leh UD&PA hotu lu ten an lo dawng sawng a ni.