Aizawl, 14 March: Vawiin tlailam dar 4 khan Chief Minister Pu Lal Thanhawla chu a chenna inah Gauhati High Court Chief Justice, Justice Ajit Singh-a chuan a kawm a. Chief Justice hian Gauhati High Court Aizawl Bench tihchangtlun nana mamawh hrang hrangte leh harsatna an neihte bakah rawtna chi hrang hrang Chief Minister hnenah a thlen a ni.
Chief Minister Pu Lal Thanhawla chuan Mizoram sawrkarin High Court thuam that chu a ngaihpawimawh thu leh Judge atana Mizoram quota chu Mizote ngeiin luah khat thei se a duh thu sawiin Chief Justice Pu Justice Ajit Singh-a chu hmalakpuiah a sawm a. Chief Justice pawhin a theih anga hmalak a tum thu leh Mizote zingah Judge tura tling an pun theih nan Mizoramah Bar tih changtlun a pawimawha a hriat thu a sawi bawk.
He meeting-ah hian Mizoram Judicial Service Rules, 2006 chu tihchhuah mai tura peih a ni bakah Mizoram District Courts' Employees' Service Rules, 2015 pawh DP&AR leh Finance Department zirchian tura thawn a nih tawh thu tarlana a ni a. Guwahati High Court sum hmanralna, Utilization Certificates pawh Law & Judicial Department in sawrkar laipuia Ministry of Law and Justice-a a thehluh tawh thu leh Finance Commission sawmpalina rawtna anga hmalakna tur hrang hrang (Action Plan) pawh Finance Department ngaihtuah tura thehluh a nih tawh thu meeting-ah hian tarlan a ni bawk. Chief Justice hian Chief Minister chu Gauhati High Court Aizawl Bench enkawlna thuam chak a nih theih nan Joint Registrar leh Deputy Registrar post siam belh turin a ngen bakah Court leh a hnathawktute tan district hrang hrangah pawh ram ruahman sak tur leh a tul anga building sak kawnga hma lakpui turin Chief Minister hi a ngen bawk.
He Meeting-ah hian Mizoram sawrkar atangin Law and Judicial Minister Pu Lalsawta leh Secretary Pu R. Thanga an tel a. Chief Justice hi Gauhati High Court Station Judge, Justice Michael Zothankhuma bakah Guwahati High Court Registrar General Pu Hitesh Kumar Sarma leh Guwahati High Court Registrar, Pu Thang Lianmang Guite, te'n an tawiawm a ni.
Chief Minister Pu Lal Thanhawla chuan Mizoram sawrkarin High Court thuam that chu a ngaihpawimawh thu leh Judge atana Mizoram quota chu Mizote ngeiin luah khat thei se a duh thu sawiin Chief Justice Pu Justice Ajit Singh-a chu hmalakpuiah a sawm a. Chief Justice pawhin a theih anga hmalak a tum thu leh Mizote zingah Judge tura tling an pun theih nan Mizoramah Bar tih changtlun a pawimawha a hriat thu a sawi bawk.
He meeting-ah hian Mizoram Judicial Service Rules, 2006 chu tihchhuah mai tura peih a ni bakah Mizoram District Courts' Employees' Service Rules, 2015 pawh DP&AR leh Finance Department zirchian tura thawn a nih tawh thu tarlana a ni a. Guwahati High Court sum hmanralna, Utilization Certificates pawh Law & Judicial Department in sawrkar laipuia Ministry of Law and Justice-a a thehluh tawh thu leh Finance Commission sawmpalina rawtna anga hmalakna tur hrang hrang (Action Plan) pawh Finance Department ngaihtuah tura thehluh a nih tawh thu meeting-ah hian tarlan a ni bawk. Chief Justice hian Chief Minister chu Gauhati High Court Aizawl Bench enkawlna thuam chak a nih theih nan Joint Registrar leh Deputy Registrar post siam belh turin a ngen bakah Court leh a hnathawktute tan district hrang hrangah pawh ram ruahman sak tur leh a tul anga building sak kawnga hma lakpui turin Chief Minister hi a ngen bawk.
He Meeting-ah hian Mizoram sawrkar atangin Law and Judicial Minister Pu Lalsawta leh Secretary Pu R. Thanga an tel a. Chief Justice hi Gauhati High Court Station Judge, Justice Michael Zothankhuma bakah Guwahati High Court Registrar General Pu Hitesh Kumar Sarma leh Guwahati High Court Registrar, Pu Thang Lianmang Guite, te'n an tawiawm a ni.
