Nawlchunga Chinjah
Siaha
Siaha
Kan mizo tawng hi mi thenkhatin a hausa lo, tiin han sawi thin mah se kei chuan a hausa viau a lawm le, a hausak lohna em em ka hre hran lo, tiin ka sawi ve mai thin a. Mizo tawng hi tawng hausa a ni lo tiin ka sawi ve ngai lo. Hetia kan mizo tawng hi tawng hausa a nih lohna ka hre lo, tia ka sawi avang mai hian thil hriat zau loh thlak lutuk mai, tiin min lo sawisel kherin, min lo nuihzat kher lo turah ka ngai.
Ngaihdan a in ang vek miau hek thei si lo a. Sap tawng thumal thenkhat kan mizo tawnga han sawi mai dan tur leh han lehlin mai dan tur a awm loh avang ringawt te leh, a thluk leh a lamdan a zira thumal pakhat thil tam tak sawi nan kan hman ringawt avangte hian kan mizo tawng hi tawng hausa lo angah kan ngai a ni mai thei. English tawng chauh ni lo hnam dang tawngte pawh hi hnam dang tawng atanga an lakkhawm a ni nawk hlawm tho. English tawng te phei hi chu hnam dang tawng an lakchhawn hi tam tak a ni.
Kan mizo tawng hausak leh hausak loh lam chu ka sawi tum ber a nih lem loh avangin chulam pang chu lo dah tha ta ila, kan mizo tawng hman dan a thuhmun vek theih loh rualin a dik thei ang ber leh awmze nei taka kan hman a tulzia i han sawi ve dawn teh ang. Chutih rual vek chuan, mizo tawng ka thiam lohzia leh theih ang tawka mizo tawngte hi inzir ve mek zel ka ni tih erawh chu min lo hriat sak a tha bawk ang.
Chhim lam leh hmar lampang kan mizo tawng hman dan leh kan lamrik dan hi thumal thenkhatah hian a in ang lo ve zauh zauh thin a, hmar lampang phei hi chuan keini chhim lampang kan mizo tawng hi apai, alai, min ti thin a, a chang phei chuan mizo tawng pawh inthiam lo min ti thin a, keini lahin kan tawng pai awm leh, kan thiam lohna kan hre bik si lova, mizo tawng chungchangah hian thian thenkhatte nen hian kan inhnial ve fo mai.
Vawiin, tih thu hi tuna ka ziah dan hi ziah dan dik leh, tuna ka ziah ang hian 'vawiin' tia lam mai tur a ni a, mahse, mi tam takin Vawiin tia ziak lo leh lam lovin Vawin tiin an ziak a, an lam ta fo mai. Ka ngaimawh ve riau.
Mizo facebook group pakhat Thu Ngaihnawm Huang, member pawh nuaikhat leh singhnih chuang awmna, mizopa group siam zinga group tha ber pawl, short story, essay, article, fiamthu, mimal chanchin ngaihnawm tak tak leh khawvela thilmak tak tak chanchin ngaihnawm tak tak chhiar tur awmna group siamtu leh, mahni mimala lehkhabu pawh tichhuak hial tawh, a hming chu sawi lem lo mai ila, chu pawh chuan group-ah leh a wall ah mizo tawng hman dik chungchang a ziak fo a, mahse, ani pawh chuan Vawiin tih thu hi vawin tiin a ziak tlat thin. Hetia ka sawi avang hian a lo haw em turah leh a lo thinrim em turah ka ngai lo. Vawiin tih hi Vawin a ni lo tih kan hriat thar a, a dik thei ang bera kan ziah a, kan lam a pawimawh hle mai, a bikin tunlai keini thangthar rual hian.
Tihmakmawh, tih thu pawh hi mi thenkhatin kan hmang dik lo tan ta fo mai. Tihmakmawh tia hmang lova Tih leh Makmawh inkara Tur belh a Tih tur makmawh tia hmang kan awm ta fo mai. Tih tur makmawh, tia hman hi a dik lo tlat. Eng thil emaw hrilh chawp leh kawhhmuh chawp ngai lova thil tih tur sawina tawngkam atan Tihmakmawh tih thu hi kan hmang thin a, tawngkam thumal pakhat awmsa a ni. Chuvang chuan Tih leh Makmawh inkara 'Tur' tih thu belha Tih tur makmawh tia hman hi a dik lo a ni. A nihna ang takin Tihmakmawh tiin i hmang zel mai ang u. Duh thawhna tawngkam ni awm ziazanga Tih tur makmawh tia hman a tul lem lo e.
Kan mizo tawng hman chhuah dan leh kan sawi chhuah danah te pawh hian kan fimkhur a pawimawh hle mai. Kan mizo tawng thumal thenkhat a hmanna tur ni lo lutuk tih hriat ngawih ngawih a kan hmang lui talh thinte pawh hi a dik lo.
Mizote hian 'O' hi 'Aw' angin kan lam awm ka hre lem lo va, mahse chutih lai chuan 'Aw' kan lamin kan lam tan mek a, 'Aw' hmanna tur thenkhatah 'O' hi kan hmang zawk ta fo mai. 'Sawrkar' tih pawh hi tun a mi ang hian ziah mai tur a ni a, mah se, mi tam tak hian Sorkar, tiin kan ziak ta fo mai. Ni tin chhuak kan chanchinbu lampang pawh an bang chuang lo.
Kohhran inkhawmnaa, tawngtai rualna neih dawn a, inkhawm kaihruaituin tawngtaipui ngai puanna hun a hawn lai a, mi thenkhatin an chhungte damlo tawngtaipui tura kohhran hriata an rawn puan hian, Pathian hnena min tawngtaipui turin kohhrante kan sawm a che u, ti mai lova Pathian hnena kut min dawh pui turin kan sawm a che u, tia an sawi hi ka hre ta fo mai. Tawngtaina hi Pathian kan biakna a ni a, chuvangin kut dawh ngaihna chhan tur a awm lo. Chubakah, kan pathian hian a hnena kut dawh turin min duh a rinawm loh. "I nu leh i unaute nangmah hmuh tumin pawnah sawn an ding reng e" tia an hrilh lai khan, "Heng Pathian thu hriaa awihte hi ka nu leh ka unaute an ni e," tiin a chhang a nih kha. (Luka 8:20-21)
Kan tawngtaina kan tih tawp danahte pawh hian kan fimkhur a ngai hle. Mi tam takin an tawngtai tawp khar nan 'Hengte hi kan rawn dil e,' tih thu an hmang fo. 'Hengte' tih an hmang tak khi a dik lo. An tawngtaina khan awmzia a nei lo zo vek.
Kan mizo tawng hausak leh hausak loh lam chu ka sawi tum ber a nih lem loh avangin chulam pang chu lo dah tha ta ila, kan mizo tawng hman dan a thuhmun vek theih loh rualin a dik thei ang ber leh awmze nei taka kan hman a tulzia i han sawi ve dawn teh ang. Chutih rual vek chuan, mizo tawng ka thiam lohzia leh theih ang tawka mizo tawngte hi inzir ve mek zel ka ni tih erawh chu min lo hriat sak a tha bawk ang.
Chhim lam leh hmar lampang kan mizo tawng hman dan leh kan lamrik dan hi thumal thenkhatah hian a in ang lo ve zauh zauh thin a, hmar lampang phei hi chuan keini chhim lampang kan mizo tawng hi apai, alai, min ti thin a, a chang phei chuan mizo tawng pawh inthiam lo min ti thin a, keini lahin kan tawng pai awm leh, kan thiam lohna kan hre bik si lova, mizo tawng chungchangah hian thian thenkhatte nen hian kan inhnial ve fo mai.
Vawiin, tih thu hi tuna ka ziah dan hi ziah dan dik leh, tuna ka ziah ang hian 'vawiin' tia lam mai tur a ni a, mahse, mi tam takin Vawiin tia ziak lo leh lam lovin Vawin tiin an ziak a, an lam ta fo mai. Ka ngaimawh ve riau.
Mizo facebook group pakhat Thu Ngaihnawm Huang, member pawh nuaikhat leh singhnih chuang awmna, mizopa group siam zinga group tha ber pawl, short story, essay, article, fiamthu, mimal chanchin ngaihnawm tak tak leh khawvela thilmak tak tak chanchin ngaihnawm tak tak chhiar tur awmna group siamtu leh, mahni mimala lehkhabu pawh tichhuak hial tawh, a hming chu sawi lem lo mai ila, chu pawh chuan group-ah leh a wall ah mizo tawng hman dik chungchang a ziak fo a, mahse, ani pawh chuan Vawiin tih thu hi vawin tiin a ziak tlat thin. Hetia ka sawi avang hian a lo haw em turah leh a lo thinrim em turah ka ngai lo. Vawiin tih hi Vawin a ni lo tih kan hriat thar a, a dik thei ang bera kan ziah a, kan lam a pawimawh hle mai, a bikin tunlai keini thangthar rual hian.
Tihmakmawh, tih thu pawh hi mi thenkhatin kan hmang dik lo tan ta fo mai. Tihmakmawh tia hmang lova Tih leh Makmawh inkara Tur belh a Tih tur makmawh tia hmang kan awm ta fo mai. Tih tur makmawh, tia hman hi a dik lo tlat. Eng thil emaw hrilh chawp leh kawhhmuh chawp ngai lova thil tih tur sawina tawngkam atan Tihmakmawh tih thu hi kan hmang thin a, tawngkam thumal pakhat awmsa a ni. Chuvang chuan Tih leh Makmawh inkara 'Tur' tih thu belha Tih tur makmawh tia hman hi a dik lo a ni. A nihna ang takin Tihmakmawh tiin i hmang zel mai ang u. Duh thawhna tawngkam ni awm ziazanga Tih tur makmawh tia hman a tul lem lo e.
Kan mizo tawng hman chhuah dan leh kan sawi chhuah danah te pawh hian kan fimkhur a pawimawh hle mai. Kan mizo tawng thumal thenkhat a hmanna tur ni lo lutuk tih hriat ngawih ngawih a kan hmang lui talh thinte pawh hi a dik lo.
Mizote hian 'O' hi 'Aw' angin kan lam awm ka hre lem lo va, mahse chutih lai chuan 'Aw' kan lamin kan lam tan mek a, 'Aw' hmanna tur thenkhatah 'O' hi kan hmang zawk ta fo mai. 'Sawrkar' tih pawh hi tun a mi ang hian ziah mai tur a ni a, mah se, mi tam tak hian Sorkar, tiin kan ziak ta fo mai. Ni tin chhuak kan chanchinbu lampang pawh an bang chuang lo.
Kohhran inkhawmnaa, tawngtai rualna neih dawn a, inkhawm kaihruaituin tawngtaipui ngai puanna hun a hawn lai a, mi thenkhatin an chhungte damlo tawngtaipui tura kohhran hriata an rawn puan hian, Pathian hnena min tawngtaipui turin kohhrante kan sawm a che u, ti mai lova Pathian hnena kut min dawh pui turin kan sawm a che u, tia an sawi hi ka hre ta fo mai. Tawngtaina hi Pathian kan biakna a ni a, chuvangin kut dawh ngaihna chhan tur a awm lo. Chubakah, kan pathian hian a hnena kut dawh turin min duh a rinawm loh. "I nu leh i unaute nangmah hmuh tumin pawnah sawn an ding reng e" tia an hrilh lai khan, "Heng Pathian thu hriaa awihte hi ka nu leh ka unaute an ni e," tiin a chhang a nih kha. (Luka 8:20-21)
Kan tawngtaina kan tih tawp danahte pawh hian kan fimkhur a ngai hle. Mi tam takin an tawngtai tawp khar nan 'Hengte hi kan rawn dil e,' tih thu an hmang fo. 'Hengte' tih an hmang tak khi a dik lo. An tawngtaina khan awmzia a nei lo zo vek.
