New Delhi, 27 March (Mizo News): Prime Minister Narendra Modi-a'n tui, a bikin ruah tui khawl khawm turin
mipuite angen. All India Radio-a vawiina Mann Ki Baat Prog. a hmanna-ah
he thu hi sawiin tui khawl that a nih chuan fur ruah tui tla tha lo
mahse loneitu-ten lei leihna khawp tui an nei thei dawn a ni, a ti.
Tui
renchem leh khawl dan kawng thar dap tura mipuite chu ngenin Pu Modi-a
chuan tuikhuahte chu tui tam zawk dah khawlna atana hman a nih theih nan
fai taka vawn tur a ni, a ti a, sorkarin tuikhuah tenau nuai 5 siam
thar a tum thu leh MGNREGA hnuaiah tui khawlna tur hmanrua siam a nih
tur thu a sawi bawk.Thla thar ni 7-a hman tur, World Health Day
chungchang pawh sawiin Prime Minister chuan ramchhung atangin Zunthlum
natna nuaibo a tul a ni, a ti a, Zunthlum natna do nan mipuite chu Yoga
leh taksa insawizawina lam uar turin a chah a ni.
TB natna hluar chho
zel dolet tura sorkar hmalakna hrang hrangte pawh tarlangin Pu Modi-a
chuan TB vei nia inringhlelte chu tawi khawmuang lova damdawi ina
inentir vat turin a ngen a, ramchhungah TB vei leh vei loh enfiahna,
Microscopy Center sing 1 sang 3 chuang a awm thu leh a thlawna TB
damdawi DOTS lakna center nuai 4 a awm thu a sawi bawk.Prime Minister
hian ram mipuite hnenah Easter Chibai bukin zanina T-20 khel tur, India
leh England Cricket Team-te duhsakna a hlan bawk a ni.
