28th March, 2016 (MSR): Sihphir branch YMA te chuan thapui thawhin ram ngaw leh nungcha humhalh beihpui an thlak a, sapel a ramvak te silai engawzat an man sak.
Ni 26 March 2016 Inrinni khan Sihphir branch YMA chuan an ramchhungah silai hmanga nungcha vaia sa pel an awm thin tih hriain YMA hruaitute leh member tlawmngai engemaw zat te chuan hetiang tih chingte dapchhuak turin ram lamah an thawk chhuak a, Sihphir tlaklam ramah ramvak thin ho an tawng ta a ni.
Sapela ramvak te chuan khawtlang tlawmngai thawkchhuak te thawm an hriatin an tlanchhe hlawm a, an silai hman (tukuli) erawh an tlanchhiatsan hlawm a, hetiang tukuli silai te chu an tlanchhiatsan hlawm a, silai hi paruk (6) lai an khawm nghe nghe a ni.
Helai ram chhungah hian thinglian deuh te lo zai ru thin an awm bawk niin Sihphir YMA te chuan an hria a, kut man fak tur erawh an la hre mai thei lo.
Sihphir khawtlang hruaitute chuan Sihphir ram chhungah tuman sava veh emaw sapel emaw rem an ti lo va, thing zai thin te pawhin ti tawh lo turin an hriattir nghal a ni. Ti lui an awm a nih chuan a hmunah a tul angin chinfel nghal zel a nih tur thu an sawi bawk.
Sihphir branch YMA hi ram ngaw leh nungcha humhalh mai bakah YMA Kumpuan Ram leh hnam humhalh pawh chak takin an bawhzui thin a ni.
Ni 26 March 2016 Inrinni khan Sihphir branch YMA chuan an ramchhungah silai hmanga nungcha vaia sa pel an awm thin tih hriain YMA hruaitute leh member tlawmngai engemaw zat te chuan hetiang tih chingte dapchhuak turin ram lamah an thawk chhuak a, Sihphir tlaklam ramah ramvak thin ho an tawng ta a ni.
Sapela ramvak te chuan khawtlang tlawmngai thawkchhuak te thawm an hriatin an tlanchhe hlawm a, an silai hman (tukuli) erawh an tlanchhiatsan hlawm a, hetiang tukuli silai te chu an tlanchhiatsan hlawm a, silai hi paruk (6) lai an khawm nghe nghe a ni.
Helai ram chhungah hian thinglian deuh te lo zai ru thin an awm bawk niin Sihphir YMA te chuan an hria a, kut man fak tur erawh an la hre mai thei lo.
Sihphir khawtlang hruaitute chuan Sihphir ram chhungah tuman sava veh emaw sapel emaw rem an ti lo va, thing zai thin te pawhin ti tawh lo turin an hriattir nghal a ni. Ti lui an awm a nih chuan a hmunah a tul angin chinfel nghal zel a nih tur thu an sawi bawk.
Sihphir branch YMA hi ram ngaw leh nungcha humhalh mai bakah YMA Kumpuan Ram leh hnam humhalh pawh chak takin an bawhzui thin a ni.
