Aizawl FC
PRESS RELEASE
PRESS RELEASE
India rama football inelna sang ber I-League 2015-16 season chu a lo zo ta reng mai a. Aizawl FC pawhin tluang taka inkhelin table-ah 8-na niin season kan khar a. Season tharah erawh Mizo mipui leh min tantute beiseina tihlawhtling zo lovin I-League kan khel chhunzawm thei dawn ta lo a. Aizawl FC chuan Mizo mipui leh min tantute hriatthiamna a ngen tak meuh a ni.
Aizawl FC chuan Mizo mipuite season tluana tawiawmna a dawn avangin a lawm tak meuh meuh a. Hmun hrang hranga zofaten Aizawl FC tawiawm leh tan tura Aizawl FC team-te khelhna apiangah an lo tawiawm thin avangin kan lawm tak zet a. A bikin Aizawl FC Away-a an khelhna hmun – Kolkata, Goa, Bengaluru, Shillong leh Pune-a Mizo mipuite chungah Aizawl FC chuan lawmthu a sawi a ni.
Aizawl FC President Pu Robert Romawia Royte chuan Player-te leh Coaching Staff-te inpekna avangin lawmthu a sawi a. Mizo mipui-te min tawiawmnaah thinlung takin lawmthu a sawi bawk. President chuan Aizawl FC chuan, “Federation Cup leh Durand Cup kan khel dawn a. Tin, ni 365 chhung ngeiin India top league-ah hian rawn kir leh turin kan bei ang,” tiin Aizawl FC ten hma lam pana ke kan pen zel dawn thu leh, kan lo kir leh dawn thu bakah, nasa zawk a bei chung leh mumal zawka kan kal zel tur thu a sawi bawk.
Mizo mipuite Aizawl FC ten hma lam pana ke kan penna kawngah min tawiawma, min fin chhuah a, min tan zui zel turin kan ngen tak meuh che u a ni e.
Mizo mipuite chungah engkimah kan lawm e.
VANLALNGHAKA CHHAWNCHHEK
General Secretary,
Aizawl Football Club
