25th April, 2016 (MSR) : Aizawl FC chuan a vawi khat nan 2015-16 Hero I League an khel a, mahse khelh 16 atangin point 16 chiah an hlawhchhuah avangin an relegate ta a ni.
Salgaocar pawhin point 16 tho nei mahse Salgaocar an chungnung ta zawk a. I-League match hnuhnung berah hian Shillong Lajong leh Mumbai FC te chu relegate thei dinhmunah ding mahse an khingpui an hneh ve ve avangin Aizawl FC chu an relegate ta a ni
Aizawl FC chuan hemi chungchangah hian thuchhuah an siam a. India rama football inelna sang ber I-League 2015-16 season chu a lo zo ta reng mai a. Aizawl FC pawhin tluang taka inkhelin table-ah 8-na niin season an khar a. Season tharah erawh Mizo mipui leh an mahni tantute beiseina ti hlawhtling zo lovin I-League an khel chhunzawm thei dawn ta lo a. Hemi chungchangah hian Aizawl FC chuan Mizo mipui te leh an mahni tantute hriatthiamna a ngen tak meuh a ni.
Aizawl FC chuan Mizo mipuite'n season tluana theihtawp chhuaha an tawiawmna avangin an lawm tak meuh meuh tih an sawi a. Hmun hrang hranga zofaten Aizawl FC tawiawm leh tan tura Aizawl FC team-te khelhna apiangah an lo tawiawm thin chu an lawm tak zet tih sawiin a bikin Aizawl FC Away-a an khelhna hmun – Kolkata, Goa, Bengaluru, Shillong leh Pune-a Mizo mipuite chungah Aizawl FC chuan lawmthu a sawi a ni.
Aizawl FC President Pu Robert Romawia Royte chuan Player-te leh Coaching Staff-te inpekna avangin lawmthu a sawi a. Mizo mipui-te tawiawmnaah thinlung takin lawmthu a sawi bawk.
President chuan Aizawl FC chuan, “Federation Cup leh Durand Cup an khel dawn a. Ni 365 chhung ngeiin India top league-ah hian kir leh turin kan bei ang,” tiin Aizawl FC ten hma lam pana ke kan pen zel dawn thu sawiin "kan lo kir leh dawn bakah, nasa zawka bei chung leh mumal zawka kal zel turin kan inbuatsaih dawn a ni" a ti bawk.
Pu Robert-a chuan Mizo mipuite'n Aizawl FC ten hmalam pana ke an penna kawngah Mizo mipuiten tawiawm zui zel turin leh fin chhuah a, tan zui zel turin a ngen bawk a ni.
Salgaocar pawhin point 16 tho nei mahse Salgaocar an chungnung ta zawk a. I-League match hnuhnung berah hian Shillong Lajong leh Mumbai FC te chu relegate thei dinhmunah ding mahse an khingpui an hneh ve ve avangin Aizawl FC chu an relegate ta a ni
Aizawl FC chuan hemi chungchangah hian thuchhuah an siam a. India rama football inelna sang ber I-League 2015-16 season chu a lo zo ta reng mai a. Aizawl FC pawhin tluang taka inkhelin table-ah 8-na niin season an khar a. Season tharah erawh Mizo mipui leh an mahni tantute beiseina ti hlawhtling zo lovin I-League an khel chhunzawm thei dawn ta lo a. Hemi chungchangah hian Aizawl FC chuan Mizo mipui te leh an mahni tantute hriatthiamna a ngen tak meuh a ni.
Aizawl FC chuan Mizo mipuite'n season tluana theihtawp chhuaha an tawiawmna avangin an lawm tak meuh meuh tih an sawi a. Hmun hrang hranga zofaten Aizawl FC tawiawm leh tan tura Aizawl FC team-te khelhna apiangah an lo tawiawm thin chu an lawm tak zet tih sawiin a bikin Aizawl FC Away-a an khelhna hmun – Kolkata, Goa, Bengaluru, Shillong leh Pune-a Mizo mipuite chungah Aizawl FC chuan lawmthu a sawi a ni.
Aizawl FC President Pu Robert Romawia Royte chuan Player-te leh Coaching Staff-te inpekna avangin lawmthu a sawi a. Mizo mipui-te tawiawmnaah thinlung takin lawmthu a sawi bawk.
President chuan Aizawl FC chuan, “Federation Cup leh Durand Cup an khel dawn a. Ni 365 chhung ngeiin India top league-ah hian kir leh turin kan bei ang,” tiin Aizawl FC ten hma lam pana ke kan pen zel dawn thu sawiin "kan lo kir leh dawn bakah, nasa zawka bei chung leh mumal zawka kal zel turin kan inbuatsaih dawn a ni" a ti bawk.
Pu Robert-a chuan Mizo mipuite'n Aizawl FC ten hmalam pana ke an penna kawngah Mizo mipuiten tawiawm zui zel turin leh fin chhuah a, tan zui zel turin a ngen bawk a ni.
