Ni 21st - 26thApril, 2016 chhung hian 18th Chin University Students Fellowship Conference, Chin Capital Hakha khua-ah hman mek a ni a, Myanmar ram chhunga Zofa chipeng hrang hrangte an kal kim hle a ni. MZP te pawh sawm kan nih angin Pu Lalsangzuala Ngente President, Pu Joseph K.Zohmingliana Asst. General Secretary leh Pu Michael Zonuntluanga Finance Secretary ho in MZP member sawm(10) in an hmanpui a ni.
Ni 22nd April 2016(Zirtawp) zan khan Cultural Programme hman a ni a, he huna hian Zofa chipeng hrang hrang ten hnamlam entirna hun leh zai nan hun hman a ni a. He huna hian Pu Lalsangzuala Ngente MZP President chuan thusawiin, “He hun hi Mizo hnam hrang hrangte inpawh zawk nan leh in unauna tha zawk kan neih theih nan hmang tlang ila, Zo hnam hrang hrangte hi ram hrang hrang, Maynmar, Banladesh leh India-ah awp behin kan awm a. India rama kan harsatna chu in harsatna ni se, Myanmar a inharsatna pawh kan harsatna nise, kan harsatna zawn theuhah inpui tlang zel turin ka sawm che u ni. Tawng hrang kan hman hian kan inunauna tibo lo se, chhinlung chhuak unaute chuan rinawmna te, huaisennate leh Pathian tihna tak tak nei vek ila, kan nun hi hnamdang te zirtlak ni ngei rawh se”, a ti a
.
Pu Lalsangzuala Ngente chuan,“Hun lo la awm zel turah thiamna tak tak paw chhuak turin zir ula, lehkha inthiamloh chuan he ramah hian awpbehin in awm anga, chuvang chuan nang leh kei hi rah beha kan awm loh nan theihtawp tak meuha kan tan a ngai a. Awpbettu zawk atang turin ka sawm che u a ni”. a ti bawk.
MZP hruaitute hian Rihkhawmawi a National League of Democracy (NLD) buatsaih a Chin state sorkar thar lawmna leh 18th Chin University Students Fellowship Conference an hman zawh hnuin Tahan lamah khawvel hmun hrang hranga Zofate inpumkhat leh inunauna tha zawk kan neih theih nan Unification Tour neiin Tahan lam an pan leh nghal bawk a ni.
Myanmar hmun hrang hranga Zofa unau ten MZP te tha taka an lo dawnsawn thin avangin MZP chuan Myanmar a Zofa unaute zawng zawngte chungah thinlung takin lawmthu a sawi tak meuh meuh a ni.
