Messi leh a kawppuiin Miss Bumbum an blocked
Brazilian beauty, nikuma Miss BumBum contest a lawmman latu Suzy Cortez hi Barcelona leh Messi fan ruh tak a ni a, Suzy hian Barcelona kawra Messi hming chuanna ngei ha in a rohlu, lawmman a lak phahna a mawngbawr tilangin a thlalak hi instagram lamah alo pho chhuak tawh a, mahse Messi-a'n hun rei tak alo kawp tawh Antonella Roccuzzo chuan alo lawm vak lo a ni - Suzy hi a blocked bakah Messi pawn Miss BumBum hi alo blocked ve bawk.
Messi leh a kawppui Antonella ten an blocked tih a hriat hnuah Miss BumBum chuan :
"Ka hmuhtirh khan mak ka ti hle a ni. Thei ni ila keima lamah chuan lo lungngai (Messi kawppui) lo tura hrilh ka duh a ni, kei chu fan ve mai ka ni. Amah leh amah a inhrechiang lo lutuk hi mak ka ti zawk a ni.
"Mi 10-vel chauh ka follow zingah ani (Messi) hi chung zinga pakhat chu a ni a. Min blocked tih ka hmuh khan thikthu vang bak a nilo ang tih ngaihdan ka nei nghal. 40 million followers a nei anih chuan engvangin nge mi block ang ni ? Chuan, a kawppui profile ka check a, ani pawn mi lo blocked tih ka chiang ta a ni", tiin Miss BumBum hian a sawi.
Messi leh a kawppui Antonella Roccuzzo te hian fapa pahnih an nei tawh a, kum 5-an nih atanga inhre tawh te hi 2008 atang khan hmangaihna kawngah an inzui tan a ni.
