11th April, 2016 (MSR) : Tahan, Myanmar-a Chapchar kut lawmnaa khuallian Pu Lal Thanhawla Chief Minister chu Myanmar-a zohnahthlak unau ten an thlamuanpui thu leh zoram pawna zohnahthlak hmun hrang hranga awm te ngaihtuah thintu leh thlamuan thintu a nih avangin Pu Hawla chungah lawmthu uar takin an sawi.
Pu Hawla chuan "Zohnahthlak te hi Pathianin a Chanchintha puang darh turin min zawngchhuak a, kan awmna apiangah chu chu kan ngaipawimawh tur a ni" a ti. "Thisen zawmpui leh thlahtu thuhmun ni mah ila political rami then avangin India ram state hrang hrangah te, Myanmar leh Bangladesh-ah te kan awm darh a, hei hian Unau kan nihna a ti danglam thei chuang lo tih kan hriat a ngai a ni" a ti a.
Zohnahthlak Myanmar a awm te nen awlsam zawk a kan inkalpawh theih nan leh border insumdawntawnna hlawk zawka kal pui a nih theih nan India sorkar laipuiah theihtawp chhuah a tum thu sawiin CM Pu Lal Thanhawla chuan Khampat bung hi Zohnahthlak hmun hrang2 hmun pawimawh bik a nih avangin a humhalh turin Sawrkar laipui kaltlanga hmalak a nih tur thu pawh a sawi bawk.
Tahana a cham chhung hian Zohnahthlak khaw hrang hrang Khampat, Kanan, Pyingkhung, Letpan Chhawng leh Vaphai khua te Pu Hawla hian a tlawh a, mipui tam takin an lo hmuak a, an lo lawm avanga mittui tla hmuh tur tam tak an awm bawk niin thudawnna chuan a sawi.Tahan ah hian Kalay University a tlawh bawk a ni.
Chief Minister hi Zomi Democratic Congress Party leh Zomi Youth Association ten lo hmuin Kawl ram a lo kal hian Myanmar Sorkar lakah nasa takin Zohnahthlak ten ngaihsak an hlawh phah leh zual ngei an rinthu an lo hrilh a. Pu Hawla chu zoram chhung chauh pawh nilo ram pawna Zohnahthlak te pawhin Pa bera an neih thu leh an thlamuanpui thu an lo hrilh hlawm a, thil pek an hlan bawk a ni.
Myanmara tuilian nasa tak avanga zo hnahthlak unauten harsatna namenlo an tawrh laia Mizoram sorkar leh mipuiten an tanpui avangte, India sorkarin a tanpui theih nan Chief Minister Pu Lal Thanhawla hmalaknate chu chhuanawm an tih thu uar takin an lo sawi a. Myanmar chanchinthar lamah pawh Chief Minister hming hial tarlangin tanpuina avanga lawmthu an lo sawi bawk. Harsatna nsasa tak an tawh laia Mizoramin tanpuina an pe chu unau kan nihna ti nghettu a ni tiin, "Myanmar sorkar leh Kawl hote pawhin min zahin min endan pawh a dang hle a ni" an ti.
Chin Literature and Cultural Committee te pawhin lawmthu an lo hrilh a, YZTP in nizan khan Rangoon-ah chawhlui an buatsaih sak a lawmthu an lo hrilh bawk a ni. Dr. N. Nandakumar Consul General of India in Pu Hawla te nupa hi an kalna apiangah a tawi awm a ni.
Pu Hawla chuan "Zohnahthlak te hi Pathianin a Chanchintha puang darh turin min zawngchhuak a, kan awmna apiangah chu chu kan ngaipawimawh tur a ni" a ti. "Thisen zawmpui leh thlahtu thuhmun ni mah ila political rami then avangin India ram state hrang hrangah te, Myanmar leh Bangladesh-ah te kan awm darh a, hei hian Unau kan nihna a ti danglam thei chuang lo tih kan hriat a ngai a ni" a ti a.
Zohnahthlak Myanmar a awm te nen awlsam zawk a kan inkalpawh theih nan leh border insumdawntawnna hlawk zawka kal pui a nih theih nan India sorkar laipuiah theihtawp chhuah a tum thu sawiin CM Pu Lal Thanhawla chuan Khampat bung hi Zohnahthlak hmun hrang2 hmun pawimawh bik a nih avangin a humhalh turin Sawrkar laipui kaltlanga hmalak a nih tur thu pawh a sawi bawk.
Tahana a cham chhung hian Zohnahthlak khaw hrang hrang Khampat, Kanan, Pyingkhung, Letpan Chhawng leh Vaphai khua te Pu Hawla hian a tlawh a, mipui tam takin an lo hmuak a, an lo lawm avanga mittui tla hmuh tur tam tak an awm bawk niin thudawnna chuan a sawi.Tahan ah hian Kalay University a tlawh bawk a ni.
Chief Minister hi Zomi Democratic Congress Party leh Zomi Youth Association ten lo hmuin Kawl ram a lo kal hian Myanmar Sorkar lakah nasa takin Zohnahthlak ten ngaihsak an hlawh phah leh zual ngei an rinthu an lo hrilh a. Pu Hawla chu zoram chhung chauh pawh nilo ram pawna Zohnahthlak te pawhin Pa bera an neih thu leh an thlamuanpui thu an lo hrilh hlawm a, thil pek an hlan bawk a ni.
Myanmara tuilian nasa tak avanga zo hnahthlak unauten harsatna namenlo an tawrh laia Mizoram sorkar leh mipuiten an tanpui avangte, India sorkarin a tanpui theih nan Chief Minister Pu Lal Thanhawla hmalaknate chu chhuanawm an tih thu uar takin an lo sawi a. Myanmar chanchinthar lamah pawh Chief Minister hming hial tarlangin tanpuina avanga lawmthu an lo sawi bawk. Harsatna nsasa tak an tawh laia Mizoramin tanpuina an pe chu unau kan nihna ti nghettu a ni tiin, "Myanmar sorkar leh Kawl hote pawhin min zahin min endan pawh a dang hle a ni" an ti.
Chin Literature and Cultural Committee te pawhin lawmthu an lo hrilh a, YZTP in nizan khan Rangoon-ah chawhlui an buatsaih sak a lawmthu an lo hrilh bawk a ni. Dr. N. Nandakumar Consul General of India in Pu Hawla te nupa hi an kalna apiangah a tawi awm a ni.
