Aizawl, 12 April : Mizoram hi State Human Rights Commission la nei lo zinga mi a ni a, Supreme Court chuan State Human Rights Commission din nan thla ruk hun a pe.
Zirtawpni khan Supreme Court hian MIzoram leh State Human Rights Commission (SHRC) la nei lo state dang - Nagaland, Arunachal Pradesh, Meghalaya, Tripura, Himachal Pradesh bakah Delhi te chu thla ruk chhunga SHRC din tur hian a hriattir a ni.
Indu Prakash Singh-a'n petition a thehluh vanga Supreme Court hian ngaihtuah an ni a, SHRC din tumna hi tihkhawtlaiah ngaiin court hi a bel a ni. Senior advocate Colin Gonsalves-a'n a dinsak.
Delhi-ah chuan UT an nih avangin sorkar laipui kut a nihna chin a awm a, Delhi sorkarin hemi atana rawtna a tifel tawh chunga din a la ni loh thu-ah hian sorkar laipui pawh puh niin, he thu ngaihtuahtu bench Chief Justice of India TS Thakur-a leh a hote chuan chawlhkar khat chhunga hemi chungchang sawifiah tur hian Solicitor General Ranjit Kumar an hriattir.
2014 November-ah khan Supreme Court hian human rights bawhchhiat nasatna hmarchhak state-te leh Delhi-in mahni puala human rights commission an la neih loh thu hi a lo ngaihtuah tawh a, chumi \uma ding ukil AM Singhvi chuan human rights commission la nei lote hi a mamawh mawh an ni tiin a sawi.
Nikum July thlaah khan Supreme Court chuan human rights commission la nei ve lote hi din thuai turin a lo hriattir tawh bawk. Chumi tum chuan thla thum chhunga din tura tih an ni.
India ramin Protection of Human Rights Act, 1993 a nei a, National Human Rights Commission bakah state tinah State Human Rights Commission hi din tura tih a ni. Mahse kum 23 hnuah pawh din lo an la awm a, state 25 chuan an din tawh.
(The Aizawl Post)
Zirtawpni khan Supreme Court hian MIzoram leh State Human Rights Commission (SHRC) la nei lo state dang - Nagaland, Arunachal Pradesh, Meghalaya, Tripura, Himachal Pradesh bakah Delhi te chu thla ruk chhunga SHRC din tur hian a hriattir a ni.
Indu Prakash Singh-a'n petition a thehluh vanga Supreme Court hian ngaihtuah an ni a, SHRC din tumna hi tihkhawtlaiah ngaiin court hi a bel a ni. Senior advocate Colin Gonsalves-a'n a dinsak.
Delhi-ah chuan UT an nih avangin sorkar laipui kut a nihna chin a awm a, Delhi sorkarin hemi atana rawtna a tifel tawh chunga din a la ni loh thu-ah hian sorkar laipui pawh puh niin, he thu ngaihtuahtu bench Chief Justice of India TS Thakur-a leh a hote chuan chawlhkar khat chhunga hemi chungchang sawifiah tur hian Solicitor General Ranjit Kumar an hriattir.
2014 November-ah khan Supreme Court hian human rights bawhchhiat nasatna hmarchhak state-te leh Delhi-in mahni puala human rights commission an la neih loh thu hi a lo ngaihtuah tawh a, chumi \uma ding ukil AM Singhvi chuan human rights commission la nei lote hi a mamawh mawh an ni tiin a sawi.
Nikum July thlaah khan Supreme Court chuan human rights commission la nei ve lote hi din thuai turin a lo hriattir tawh bawk. Chumi tum chuan thla thum chhunga din tura tih an ni.
India ramin Protection of Human Rights Act, 1993 a nei a, National Human Rights Commission bakah state tinah State Human Rights Commission hi din tura tih a ni. Mahse kum 23 hnuah pawh din lo an la awm a, state 25 chuan an din tawh.
(The Aizawl Post)
