Heng an mi tihhlum te zinga 7 te hi an in bulah hmuh an ni a, a 8-na hi a hnu deuhah hmuh chhuah a nih thu Pike County Sheriff Charles Reader chuan thuthar lakhawmtute a hrilh.
An tihhlum te hi puitling 7 leh rawlthar, kum 16 mi an ni a, an vai hia chhungkaw pakhat ami vek an nih thu thuneitute chuan an sawi a, he inthahna ah hia tun dinhmunah chuan engmah a titu emaw hriat ala nih loh thu leh a kaptu pawh hi man ala nilo tih thu eitute chuan an sawi bawk.
Ohio Attorney General Mike DeWine chuan, "An vai hian tihhlum (execute) ngei niin a lang a, an vai hian an lu-ah kah an ni," a ti.
"Tun maia chhuina leh hriat theihah chuan tumah hi mahni intihlum niin an lang lova, a tihhlumtu (te) hi tu(te) nge an nih leh khawiah nge an awm pawh hriat ala nilo," a ti bawk.
An thah thenkhat hi khumah an awm a, nausen 2, kum 1 leh ni 4 mi leh, thla 6 mi bakah naupang pakhat kum 3 mi te chu an damchhuak a, an thah hmasak ber leh a 4 na te an thahna hmun hi 30kms vela inhlat niin sheriff office chuan an sawi.
