Aizawl, 1 May (Save Mizoram): Zarkawt khawtlang chuan thuchhuah siamin , Pi K. Zohmangaihi thattu a puh a pasal hlui Lalremruata chu, court in interim bail in a chhuah a, amah leh a chhungte hi ni 29 April 2016 khan K.Zohmangaihi nu leh a chhungte chenna ah kal in K. Zohmangaihi chhungte an ti thlabar hle a, khawtlang hruaitu hrang hrang pawh kan tlan khawm nghal a, Lalremruata chhungte pawh țin tur a ngen anni.
Lalremruata hi bail in a chhuak tih Zarkawt mipuiin kan hriat ringawt pawh a, nu nau kan thlabar sa tawh tehlul nen hetianga Zarkawt veng chhunga ngampa taka an rawn kal mai hi kan duh lo takzet ani.
Lalremruata hi a hming leh a hmel ringawt leh a chhungte hmel pawh veng mipui ten kan rap in, nu nau phei chu a chhuak tih an hriat ringawt pawha thlabar leh mut mu tuah ngam lo an tam hle avangin, Lalremruata leh a chhungte hi Zarkawt Veng chhungah lo kal a rawn inlan lo turin Zarkawt khawtlang chuan thuthlukna a siam a ni an ti.
