Aizawl, 3 June:Vawiin chawhnu khan Chief Minister Pu Lal Thanhawla hovin Mizoram Science, Technology & Innovation Council Governing Body chu Chief Minister's Office, Conference Room ah an thukhawm.
Chief Minister Pu Lal Thanhawla chuan nikum atangin Mizoram Council of Science, Technology & Environment tih thin chu Mizoram Science, Technology & Innovation Council (MISTIC) ti a thlak a nih tawh thu sawiin kumin atang phei chuan kawng hrang hranga mumal zawka hma lak chhoh tum a ni a ti a. Tunlai khawvelah Technology a hmasawnna thui tak a innghat a, Science leh Technology in hma a sawn chuan ram in hma a sawn a ni, a ti a. Science leh Technology hian department hrang hrang a khawihin, Department-te hnathawh a ti changtlung thei a ni tiin Council tih changtlun chhoh zel a pawimawh thu a sawi bawk.
Chief Minister chuan Manipur leh Nagaland ten an puan leh hnam thil Geograhical Indicator (GI) Registration hmanga an humhalh angin kan puan leh hetiang hnam anga kan thil neihte GI hmanga humhalh anih theih nan chak zawka hma kan lak a ngai a ni, a ti a. Kum kalta chhung khan mumal zawka hma lak niin, science popularization lamah te, innovation lamah te, patent file chungchangah te leh science lam project hrang hrangah te hma nasa taka lak a ni tih a sawi bawk.
Dr. R.K. Lallianthanga, Chief Scientific Officer leh Member Secretary, MISTIC chuan kum kalta chhung report a pe a. Science popularization programme tum 15 neih a nih thu te, Patent Information Centre-in patent 8 zet a file thu te a sawi a, Intellectual Property Right Seminar leh Workshop te neiin, Mizoram University leh College 3 ah Intellectual Property Right Cell din a nih tawh thu a sawi a. State Meteorological Centre te, State Climate Change Cell te, Mizoram Science Centre leh Mizoram Remote Sensing Application Centre te hnathawh tlangpui pawh report pein, Hmunpui khuaa nuai 180 senga Rainwater Harvesting Project Tuizem 12, a vaia litre nuai 30 dawng pawh hawn a nih tawh thu a sawi.
He meeting-ah hian kum 2016-17 chhunga Annual Plan sawiho leh pawm a ni a, MISTIC ruangam siam that pawh sawiho niin pawm a ni bawk a. Meeting-ah hian MISTIC Governing Body member hrang hrang - Finance Minister Pu Lalsawta; Mizoram State Planning Board Vice Chairman Pu H. Liansailova; Parliamentary Secretary Pu K.S. Thanga leh Planning Secretary te bakah Secretary thenkhat te leh Science Society atangtein member an tel a ni.
Chief Minister Pu Lal Thanhawla chuan nikum atangin Mizoram Council of Science, Technology & Environment tih thin chu Mizoram Science, Technology & Innovation Council (MISTIC) ti a thlak a nih tawh thu sawiin kumin atang phei chuan kawng hrang hranga mumal zawka hma lak chhoh tum a ni a ti a. Tunlai khawvelah Technology a hmasawnna thui tak a innghat a, Science leh Technology in hma a sawn chuan ram in hma a sawn a ni, a ti a. Science leh Technology hian department hrang hrang a khawihin, Department-te hnathawh a ti changtlung thei a ni tiin Council tih changtlun chhoh zel a pawimawh thu a sawi bawk.
Chief Minister chuan Manipur leh Nagaland ten an puan leh hnam thil Geograhical Indicator (GI) Registration hmanga an humhalh angin kan puan leh hetiang hnam anga kan thil neihte GI hmanga humhalh anih theih nan chak zawka hma kan lak a ngai a ni, a ti a. Kum kalta chhung khan mumal zawka hma lak niin, science popularization lamah te, innovation lamah te, patent file chungchangah te leh science lam project hrang hrangah te hma nasa taka lak a ni tih a sawi bawk.
Dr. R.K. Lallianthanga, Chief Scientific Officer leh Member Secretary, MISTIC chuan kum kalta chhung report a pe a. Science popularization programme tum 15 neih a nih thu te, Patent Information Centre-in patent 8 zet a file thu te a sawi a, Intellectual Property Right Seminar leh Workshop te neiin, Mizoram University leh College 3 ah Intellectual Property Right Cell din a nih tawh thu a sawi a. State Meteorological Centre te, State Climate Change Cell te, Mizoram Science Centre leh Mizoram Remote Sensing Application Centre te hnathawh tlangpui pawh report pein, Hmunpui khuaa nuai 180 senga Rainwater Harvesting Project Tuizem 12, a vaia litre nuai 30 dawng pawh hawn a nih tawh thu a sawi.
He meeting-ah hian kum 2016-17 chhunga Annual Plan sawiho leh pawm a ni a, MISTIC ruangam siam that pawh sawiho niin pawm a ni bawk a. Meeting-ah hian MISTIC Governing Body member hrang hrang - Finance Minister Pu Lalsawta; Mizoram State Planning Board Vice Chairman Pu H. Liansailova; Parliamentary Secretary Pu K.S. Thanga leh Planning Secretary te bakah Secretary thenkhat te leh Science Society atangtein member an tel a ni.
