UD&PA deptt hnuaia khawpui mi, in nei lote tana in sakte chu peihfel thawkhat a ni tawh a, basic services to urban poor (BSUP) hnuaia in 1096 luah turin kartawp thleng khan diltu mi sang an chuang tawh a. Thudawn danin, thla hmasaa dilna hun tawp pawh pawh sei leh a ni.
Dilna hi sum sen ngai lovin office-ah thehluh a ni a, a hmuna kal ngai lovin internet kaltlangin thehluh anih bawk avangin dilna lut zat chiah hi hriatchian theih a la ni lo.
UD&PA hnuaia JNNURM scheme kalpuiah integrated housing and slum development programme (IHSDP) hnuaia chenna in 1950 leh BSUP hnuaiah in 1096, a vaiin 3046 sak a ni tawh a. IHSDP hnuaia in sakah a dawngtuten anmahni in an sak nghal zel avangin an luah lut nghal zel a ni.
Thudawn danin sorkar laipui hmalakna tharah kum 2022 thlenga kalpui tur - Pradhan Mantri Awas Yojana (PMAY) hnuaiah khawpuia cheng mi tin tan in sak hna kalpui turah 'beneficiary-led construction' leh 'credit linked subsidy scheme' hnuaiah dilna pawh a lut mek a, dilna hi sang chuang lut tawhin, a luh belh mek zel bawk a ni.
Beneficiary led construction leh Credit linked subsidy scheme hnuaiah hian Mizoram census town 23 a huam thei dawn a, hemi atan hian khawpui pariat DPR siam a ni tawh a. Aizawl leh Lawngtlai bik atan sanction hmuh tawh a ni.
~The Zozam Times
