Kan band memberte hi Switzerland, USA, India leh Burmah-te kan awm darh hlawm avangin he Anniversary live concert hi Tahan bakah Mizoram lamte fangin kan tour ho hman ang em ? tih chu kan la sawi mai thei rih lo a ni.
Vulmawi reunion leh Anniversary live concert buatsaih chungchang hi Vulmawi member Tahan hmun nghaktu Pu Hmingliana hmalakna niin Tahan, Sanmyo leh Satawm venga Vulmawi fan hote nen ro thap tak, lawmawm leh chakawm bawk si mahse hupphurhawm tak an rawn rel tlu ta thut a ni.Tunlai hunah Tahan a function ropui tawk buatsaih a hautak hle a ni tih kan hre theuh ngei ang.
Open air concert ngatsual tur phei chuan Burma pawisa nuaih 100 chuang sen a ngai tawh a, chubakah tlawmngaia nasa taka hnatlang tha thawhtute leh security mawhphurhna min lak saktu turte rawih an ngai bawk dawn si a, boruak thlira ruahmanna neih chawp zel tur a ni ang.
Engpawh ni se khawvel hmun tina Vulmawi fan hote'n he Anniversary concert tur atan hian kan theihna zawn theuhvah kan tanrual a ngai dawn a ni e. In rilru ngaihtuahna leh tawngtaina-te kan mamawh e." Vulmawi Rock Band for Mizo Music Lovers " kan la ti zel mai dawn a nih hi.
